Leila Lopes

Wikipedia, Entziklopedia askea
Leila Lopes

Bizitza
JaiotzaBenguela, 1986ko otsailaren 26a (38 urte)
Herrialdea Angola
 Erresuma Batua
Hezkuntza
HeziketaUniversity of Suffolk
Hizkuntzakportugesa
Jarduerak
Jarduerakmodeloa eta edertasun lehiaketan parte-hartzailea
Altuera179 zentimetro
Jasotako sariak
IMDB: nm4749654 Twitter: leilavlopes Instagram: officialeilalopes Edit the value on Wikidata

Leila Luliana da Costa Vieira Lopes Umenyiora (Benguela, Angola, 1986ko otsailaren 26a) angolar modeloa da, edertasun lehiaketetan jardun duena. 2010ko abenduaren 18an Miss Angola hautatu zuten Luanda hiriburuan. 2011ko irailaren 12an Miss Unibertsoren 60. ekitaldia São Paulon (Brasil) Miss Unibertso 2011 lehiaketa irabazi zuen, bere herriarentzako titulua lortu zuen lehen angolarra, laugarren afrikarra eta bigarren beltza, aurretik Botswanako Mpule Kwelagobek irabazi baitzuen 1999an.[1][2][3] Gaur egun Ingalaterran bizi da.

Edertasun lehiaketak[aldatu | aldatu iturburu kodea]

Lopes Britainia Handian enpresa-kudeaketa ikasten ari zela, 2010eko urriaren 8an koroatu zuten Miss Angola RU (Mis Angola/Erresuma Batua), eta Erresuma Batuko Angolako komunitatearen ordezkari ofiziala izan zen Miss Angola 2010erako.[4][5][6]

Miss Angola[aldatu | aldatu iturburu kodea]

Lopesek bere herrialdeko 21 finalistetako bat izan zen. 2010eko abenduaren 18an egin zen ekitaldia Luandan. Han, Fotogenia Saria lortu zuen, eta Miss Angola 2010 titulua jaso zuen, Miss Unibertso 2011 lehiaketan Angola herrialdea ordezkatzeko aukera eman ziona. Abenduaren 18ko gauean, Jurema Ferrazek, bere aurreko Miss Angolak koroatu zuen.

Miss Unibertso 2011[aldatu | aldatu iturburu kodea]

Miss Unibertso 2011 irabazi zuen São Paulon (Brasil), 2011ko irailaren 12an. Angolar batek sari hori lortzen lehena eta hirugarrena Portugalgo hizkeraduna. Ohiturari jarraituta, Miss Unibertso titular ohiak, Mexikoko Ximena Navarretek, koroatu zuen. Lopes titulua irabazi zuen laugarren emakume afrikarra izan zen, eta bigarren emakume beltza, aurretik Botswanako Mpule Kwelagobek irabazi baitzuen 1999an.

Koroatze gauean, Ukraina, Filipinak, Txina eta Brasilen ondoren hautatutako bosgarrena izan zen.[7] Elkarrizketan seguru agertu zen eta horrekin koroa pixka bat bereganatu zuen.[8] Azkenean honelaxe sailkatu ziren: Txinako Zuo Cilin laugarren Finalista; Filipinetako Shamcey Supsup, hirugarren Finalista, Brasilgo Priscila Machado bigarren Finalista eta Ukrainako Olesya Stefanko lehen Finalista.[9][8]

Priscila Machadok erantzuten amaitu ondoren, Lopesen erantzunaren txanda iritsi zen, eta egun horretan akats bat egitea estigma izan zitekeen. Hala ere, erantzunean lasai eta seguru agertu zen.

Erreakzioak[aldatu | aldatu iturburu kodea]

Lopes Miss Unibertsoa 2011 hautatu zutenean, erreakzio arrazistak hauteman ziren Interneten.[10] Ingelesez eta portugesez idatzitako testuetan, Interneten erabiltzaileek mespretxuzko alderaketak egin zituzten, eta "tximu" eta "nazkagarri" edo "Hollywoodek irabazleari deitu besterik ez du egin behar, King Kong-en alabaren papera egiteko", besteak beste.

Leila Lopes, 2012

Gainerako lehiakideetan, beste erreakzio batzuk irain gisa sortu ziren, Laury Thilleman-ek (Miss Frantzia 2011 eta Miss Unibertso 2011 lehiaketako Top 10 zerrendakoa) Premiè re.net aldizkari frantsesari egindako elkarrizketa batean esan zuen:

«Ondo ezagutzen nuen neska bakarra zen. Ez genuen asko ikusi, oso diskretua zen. Askotan jeans eta makillajerik gabe agertzen zen. Haren garaipenak denak harritu zituen. Neska askok ahalegin handiak egin dituzte eta ez dira saritu. Ez dakit, bada, zerbait bere izaeran... Konkurrentzia Brasilen gauzatzea, emaitzarekin erlazioren bat zuela ziurtatzeko (Angola Portugalgo kolonia zahar bat da, Brasil bezala).[11] Laury Tilleman

Michele Langevin-ek The Washington Post-en egindako iruzkinari erantzunez, galdera hauxe sortu da: "Hau bada egoera, zergatik ez zuten aukeratu Miss Brasil?"[12]

Bidaiak[aldatu | aldatu iturburu kodea]

Miss Universo 2011 erreginaldian, Leilak zenbait herrialde bisitatu zituen. Indonesian Maria Selena koroatu zuen Puteri Indonesia 2011 gisa, Nadine Alexandra Nosing Dewi Amesen eskutik. 2011ko abenduan, Librevilleko (Gabon) Miss Gabon lehiaketaren lehen ediziora joateko gonbita egin zioten Lopesi. Han, herrialde horretako lehen ordezkaria izan zen Miss Unibertsoren historian, Marie-Noelle Ada Meyo de Ngounié.

Danielle Doty (Miss Teen AEB), Leila Lopes, Alyssa Campanella Miss AEB 2011) eta umeak, Indar armatuekin batera Spangdahlem Air Basen egin zen entretenimendu-biran, 2012.03.13

Lopes Düsseldorfera, Alemaniara, Alyssa Campanella eta Danielle Dotyrekin joan zen astebeterako, USO/Indar Armatuak Entretenimenduaren barruan. 2012ko martxoaren 9an eta 14an izan zen. Astean zehar, Nazioarteko Merkataritzako Edertasun Aretoak ere parte hartu zuen, Dusseldorfeko erakustazokan.

2012ko maiatzean, Vogue aldizkari entzutetsuarentzat posatu zuen Italian.

2012ko maiatzaren 23an Canneseko Zinemaldi[13][14][15] ospetsuaren alfonbra gorrian ibili zen Frantzian. Grisogono Glam Extravaganzan ere izan zen, egun berean, Du Cap Cap -Roc hotelean. Frantziara joan aurretik, Lisboan zegoen, Portugalen, argazki-saioetarako eta telebistan agertzeko. Portugalen egin zuen bisita laburra Maxim Portugal aldizkariak gonbidatuta izan zen.

Bere erreginaldia amaitu zenean, Leilak 21 herrialdetara bidaiatu zuen Estatu Batuetatik kanpo, eta bidaia gehien egin zituen Miss Unibertsoa bihurtu zen.

Leilak 2012ko abenduaren 19ko gauean amaitu zuen bere erreginaldia. Ondoren, Olivia Culpo irabazlea izan zen, Ameriketako Estatu Batuen ordezkaria.

Bizitza pertsonala eta irudi publikoa[aldatu | aldatu iturburu kodea]

Leila Lopes Erresuma Batuko enpresa-administrazioko ikaslea zen, eta 2010eko urriaren 8an Miss Angola/Erresuma Batua koroatu zuten. Alegatu zen Lopes ez zela inoiz bizi izan Angolatik kanpo Miss Angola/Erresuma Batuan lehiatu zenean, eta, ez zela onartu behar Erresuma Batuan bakarrik bizi ziren herritarrei lehiaketa horretan sartzea. Angolako komunitatearen Erresuma Batuko ordezkari ofizialak irainduta sentitu ziren baieztapen horrekin, esanez ez zela egia, eta Mukano Charles ekitaldiaren sustatzaileak esan zuen Leila Lopes Erresuma Batura transferitu zela, hauteskundeetan parte hartzeko baino ez, izan ere, lehiari buruzko arauek hautagaia herrialde horretan bizitzea eskatzen zuten.[16][17] Angolako komunitateak egoera horiek kritikatu ditu.[18][19][20][21][22]

Egia esan, ez dakit nondik atera zuten informazio hori. Miss Unibertsokoei eskatutako dokumentazio guztia eman nien. Legezkoa naiz. Miss Unibertsoren lanari ekin nahi nioke. Esan zenak ez dit eragiten badakidalako [oposiziogileak] oker daudela eta ni zuzen nagoela. Dokumentazioa eskuetan dut. —Leila Lopes AOL Latino1-ekin egindako elkarrizketa batean

2013ko otsailean, Leila Lopesek konpromisoa hartu zuen Osi Umenyiora nigeriar jatorriko futbol amerikarreko jokalariarekin, Atlanta Falcons taldean jokatzen zuena.[23] Bi seme-alaba dituzte.

Erreferentziak[aldatu | aldatu iturburu kodea]

  1. ↑ «Leila Lopes angolarra, Miss Unibertso berria» EITB 2011-09-13 (Noiz kontsultatua: 2020-10-22).
  2. ↑ Entrevista con Leila Lopes Txantiloi:Wayback 13 de abril de 2011 (pt)
  3. ↑ portalangop. (19 de diciembre de 2010). Leila Lopes coronada Miss Angola 2010. .
  4. ↑ Gil, Liliana. (13 de septiembre de 2011). Congratulations Miss Angola! Latinas Dominate Audience Voting. Fox News Latino.
  5. ↑ Leila Lopes Bio. Miss Universe Speakers Bureau.
  6. ↑ Miss Universe Leila Lopes Covers Maxim Portugal. Mankind Unplugged.
  7. ↑ Leila Lopes desmente descendência e acredita na inteligência para se chegar a Miss. Notícias Angola 13 de abril de 2011.
  8. ↑ a b President of the Republic attends Miss Angola 2011. 18 de diciembre de 2010.
  9. ↑ Leila Lopes crowned Miss Angola 2011. 18 de diciembre de 2010.
  10. ↑ Wanafrika Artículo sobre como Leila Lopes enfrenta el racismo. .
  11. ↑ «EXCLU - Miss Univers 2011 : Laury Thilleman : "On a toutes été étonnées de la victoire de Miss Angola" - Miss Fance, Sao Paulo» web.archive.org 2011-09-25 (Noiz kontsultatua: 2024-05-04).
  12. ↑ Michele Langevine Leiby. (Txantiloi:Fecha). «Miss Universe backlash: Miss France speaks out against Miss Angola» Washington Post.
  13. ↑ ¿Hubo fraude en Miss Universo 2011? (Short version). Infobae.com 14 de septiembre de 2011.
  14. ↑ Did Miss Universe use false documents to get into competition? Miss Angola's victory questioned over British student status. Associated Newspapers Ltd..
  15. ↑ Miss Universe Accused of Faking Documents for Pageant. ABC News.
  16. ↑ Comunidade denuncia irregularidades no Miss Angola Reino Unido. CLUB-K 17 de octubre de 2010.
  17. ↑ Miss Universe: Organisers Deny Leila Lopes' Pageant Fraud Accusations. International Business Times.
  18. ↑ Infobae.com: ¿Hubo fraude en Miss Universo 2011? retrieved 17 September 2011 (es)
  19. ↑ Facebook profile of Charles Mukano retrieved 18 September 2011
  20. ↑ Mid Day: Miss Universe accused of faking documents retrieved 18 September 2011
  21. ↑ PIX Morning News - Miss Universe 2011 Leila Lopes First Interview (9-19-11) - YouTube
  22. ↑ Mid Day: Miss Universe accused of faking documents. MiD Day Infomedia Ltd..
  23. ↑ https://web.archive.org/web/20130225120428/http://igboweddingsonline.com/miss-universe-2011-leila-lopes-ny-giants-osi-umenyiora/

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Leila Lopes Aldatu lotura Wikidatan
Aurrekoa:

Ximena Navarrete, Mexiko

Miss Unibertso

2011

Hurrengoa:

Olivia Culpo,  AEB

"https://eu.wikipedia.org/w/index.php?title=Leila_Lopes&oldid=9784501"(e)tik eskuratuta