Leucopaxillus mirabilis

Leucopaxillus mirabilis
Irudi gehiago
Sailkapen zientifikoa
Erreinua	Fungi
Ordena	Tricholomatales
Familia	Tricholomataceae
Generoa	Leucopaxillus
Espeziea	Leucopaxillus mirabilis A. Maublanc eta P. Konrad, 1952

Leucopaxillus mirabilis Tricholomataceae familiako onddo espezie bat da.

Sinonimoak: Giacomia mirabilis, Tricholoma mirabile, Leucopaxillus gentianeus var. phaeopus.

Deskribapena

Kapela: 3 eta 10 cm bitarteko diametrokoa, hasieran ganbila, gero laua ertzak biribilduta eta uhinduak. Marroi kolorekoa da edo beltzaxka, pixka bat zurbilagoa diskoan, higrofanoa eta tomentudun ertzekin.

Orriak: Eskotatuak edo dekurrente samarrak, estu, meheak, ugari, zurixkak krema koloreko tindu batzuekin kontrastea eginez hanka ilunarekin.

Orri eskotatuak: Oinera hurbiltzen diren orriak baina ukitzen ez diotenak.

Orri dekurrenteak: Hanka ukitzeaz gain beherantz jarraitzen duten orriak.

Hanka: Marroi ilun samar kolorekoa oinarrian izan ezik, hor zurixka da eta goian orrien dekurrentzia txikiagatik ildaskatua bezala egoten da.

Haragia: Zuria, kapelaren azalaren azpian gris-marroia. Usain arinekoa eta zapore garratz samarrekoa. Espora-jalkina zuria.

Etimologia: Leucopaxillus terminoa grekozko “leucos” hitzetik dator eta zuria esan nahi du. Bere koloreagatik.

Jangarritasuna

Jangarria da.

Sasoia eta lekua

Udaberrian eta udazkenean. Batez ere mendiko pinuen azpian.

Banaketa eremua

Ameriketako Estatu Batuak, Suitza, Austria, Italia, Alemania, Eslovenia.

Kanpo estekak

• Datuak: Q25559216
• Multimedia: Leucopaxillus mirabilis / Q25559216