Lock, Stock and Two Smoking Barrels

Lock, Stock and Two Smoking Barrels
Jatorria
Argitaratze-data	1998
Izenburua	Lock, Stock and Two Smoking Barrels
Jatorrizko hizkuntza	ingelesa
Jatorrizko herrialdea	Erresuma Batua
Banatze bidea	eskatu ahalako bideo
Ezaugarriak
Genero artistikoa	lapurreta filma eta black comedy film (en)
Iraupena	105 minutu
Kolorea	koloretakoa
Zuzendaritza eta gidoia
Zuzendaria(k)	Guy Ritchie
Gidoigilea(k)	Guy Ritchie; Peter Cattaneo
Antzezlea(k)
	Jason Flemyng ; Dexter Fletcher (en) ; Nick Moran ; Jason Statham ; Steven Mackintosh (en) ; Vinnie Jones ; Sting ; Nicholas Rowe (en) ; Lenny McLean ; P. H. Moriarty (en) ; Vas Blackwood (en) ; Alan Ford ; Frank Harper ; Stephen Marcus ; Danny John-Jules (en) ; Andrew Tiernan ; Matthew Vaughn (en) ; Rob Brydon
Ekoizpena
Ekoizlea	Matthew Vaughn (en) ; Steve Tisch
Konpainia ekoizlea	Summit Entertainment; HandMade Films (en)
Edizioa	Niven Howie (en)
Bestelako lanak
Musikagilea	David Hughes (en)
Argazki-zuzendaria	Tim Maurice-Jones (en)
Fikzioa
Kontakizunaren tokia	Londres
Argumentu nagusia	apustua
Bideoa	YouTube

Lock, Stock and Two Smoking Barrels (euskaraz Itxi, bildu eta bi kanoi ketsu) 1998ko Guy Ritchie britainiar zinema zuzendariaren thriller-komedia filma da.

Filma 2000ko Snatch filmaren aurrekaria izan zen (hura jada diru aurrekontu handia izanik, nazioartean oihartzun handiagoa izan zuen). Aktore batzuek bi filmotako paper nagusietan antzeztu zuten: Jason Statham edota Vinnie Jones. Bestalde, 2000an film horretan oinarritutako Lock, Stock... telesaila estreinatu zen.

Eszena ezagunenetakoa Hundred Mile High City abestiaren doinuaz pertsonaia nagusiak poliziak atzetik jarraika dituztela eta Londresko kaleetan barna korrika ihes egiten dueteneko hasierako eszena da.

Argumentoa[aldatu | aldatu iturburu kodea]

Oharra: Atal honek istorio osoa edo amaiera argitzen du.

Bacon, Soap, Tom eta Eddy (Jason Statham, Dexter Fletcher, Jason Flemyng eta Nick Moran), umetatiko lagunak, Londres hiriko gazte batzuk dira. Egun batez denen artean 100.000 libera elkartu eta Harry "Aizkora" Lonsdale (P. H. Moriarty) izeneko auzoko jauntxoarekin "brag hiru kartetan" izeneko karta jokoan jokatzeko hitzordua egin dute. Hala ere, Harryk bere bizkarzain Barry "Baptista" (Lenny McLean) izenekoaren bidez Eddy kartetan oso trebea dela jakin duenez, jokoa aldez aurretik azpijokoaz baliatuz moldatu egin du. Horrela, Eddyk galtzean, Harryk adiskide taldea 500.000 libera aste bateko epean ematera behartu du: hain egun gutxitan dirutza hori eskuratzeko aukera gutxi dituela badakienez, Eddyren aurkako mendeku pertsonal bati ekin dio. Barry "Baptistak" Eddyri zorra kitatu gabe iragaten den egun bakoitzeko, lagunetako bati hatz bat ebakiko diola ohartarazi dio.