Madame Grès
| Madame Grès | |
|---|---|
| Bizitza | |
| Jaiotzako izen-deiturak | Germaine Émilie Krebs |
| Jaiotza | Parisko 17. barrutia, 1903ko azaroaren 30a |
| Herrialdea |  Frantzia |
| Heriotza | La Valette-du-Var, 1993ko azaroaren 24a (89 urte) |
| Familia | |
| Ezkontidea(k) | Serge Grès (1937ko apirilaren 17a - |
| Hezkuntza | |
| Hizkuntzak | frantsesa |
| Jarduerak | |
| Jarduerak | goi joskintza diseinatzailea, enpresaburua eta jantzi-diseinatzailea |
| Jasotako sariak | |
| Izengoitia(k) | Madame Grès eta mademoiselle Alix |
  | |
Germaine Émilie Krebs, ezizenez Madame Grès eta Alix edo Alix Barton (Paris, 1903 — La Valette-du-Var, 1993), eskultore minimalista izan zen eta moda diseinatzailea (sortzen zituen jantzietan Antzinateko jantzi greziarren eraginagatik zen ezaguna).[1]
Biografia[aldatu | aldatu iturburu kodea]
"Modaren esfingea" bezala ezagutzen zitzaion eta oso ezkutuan zeramatzan bere bizitzari buruzko kontuak eta lanarekin obsesioa zeukan.[2]
Lana[aldatu | aldatu iturburu kodea]
Lan ibilbidea[aldatu | aldatu iturburu kodea]
1933an debutatu zuen modista gisa Parisen Alix Barton izenarekin (Maison Alix etxea sortu zuen). Estiloa finkatzen joan zen, batez ere, gaueko jantzietan.
Antzerkirako jantziak ere egin zituen, esate baterako, J. Giraudoux-en Troyako gerra ez da gertatuko lanerako.
1937an bere lanak Parisko Nazioarteko Erakusketan erakutsi zituzten eta goi joskintzako lehen saria irabazi zuen.
1942an Grès etxea sortu zuen.
1959an Cabochard lurrina atera zuen eta 1990ean beste lurrin bat sortu zuen Cabotine.
1976an Urrezko Orratza irabazi zuen.
1980an prêt-à-porter bilduma bat diseinatu zuen, baina bi urtez bakarrik jarraitu zuen eta goi joskintzara itzuli zen, 1984an Bernard Tapieri saldu zion enpresa eta 1988an Yagi Tsusho Limited japoniar taldeak erosi zuen.
Lanaren inspirazioa[aldatu | aldatu iturburu kodea]
Madame Grès berak esaten zuen bere bokazio artistikoa, eskultura zela eta, horregatik, oihalak lantzen zituela harria balira bezala, eskulpituz.
Bere lana oso kreatiboa eta originala da, modatik haratago, baina inspirazioa Antzinatean, Ipar Afrikan eta Indiko azpikontinentean.
Bere jantziak, itxuran oso sinpleak ziren, baina atzetik lan oso konplexua zeramaten.
Esate baterako, bere traje batzuek kualitate eskultorikoak zituzten, ia joskerarik gabeak ziren eta gorputzaren gainean moldatutakoak dirudite: lerro oso depuratuekin eta oso bolumen landuekin: emakumearen gorputza bihurtzen zuen protagonista.[3]
Bere lanak, bakunak eta berdingabeak dira, atenporalak eta forma asimetrikoekin, drapeatu eta plisatuekin eta kolore puruekin. Drapeatuen erregina gisa zen ezagutua,[2] greziar jainkosen antzekoak.[4][5]
Nabarmenak dira haren gaujantziak, zetazko oihalekin eginak, eta bere lanik ezagunenak ere badirenak; puntuzko arropak eta bi aldeko artile oihalez egindako berokiak.
Omenaldiak eta ondarea[aldatu | aldatu iturburu kodea]
1994ko udazkenean New Yorkeko Metropolitan Museum museoan bere omenezko erakusketa bat egin zuten.
Aldiz, Parisen ez zen bere erakusketa erretrospektibo bat egin 2011 arte, nahiz eta bere kolegek joskintzako jeinutzat izan betidanik. Madame Grès, la couture à l'oeuvre erakusketa Parisko Antoine Bourdelle museoan egin zen 2011ko martxoak 25etik uztailak 24ra: zeinetan, 1933 eta 1988 arteko bere lan ibilbideko 80 jantzi esanguratsu eta irudi (argazki eta zirriborro) jarri ziren erakusgai. Erakusketaren katalogoa oso osatua da eta bere lan ibilbidearen ezaugarri nagusienak azaltzen ditu.
Bere lanek eragin handia izan dute gaur egungo jostun askotan.[6]
Jasotako sariak:
- Ohorezko legioaren zaldun izendatua 1947an[7]
- Parisko Jostunen Sindikatoaren Ganbarako presidente izendatu zuten 1972an.[4]
- Dé d'Or (Urrezko titarea) Cartier-rek jostunei emana 1976an.[7]
- New Yorkeko unibertsitateko Arte Sarietan Lider Kreatiboari saria 1978an.[7]
- "Italiako onena” izendatua Italiar Goi jostunen Ganbera Nazionalean.[7]
Erreferentziak[aldatu | aldatu iturburu kodea]
- ↑ Foreman, Katya (2011-03-25). "A Glimpse Of Grès". Women's Wear Daily.
- ↑ a b Di Trocchio, Paola (2014-09-04). "Madame Grès: Couturier At Work". Fashion Theory.
- ↑ Menkes, Suzy (2011-04-18). "Madame Grès as Sculptor". The New York Times. Kontsultatua 2015-04-13.
- ↑ a b Rose, Cynthia (2011-06-06). "Finding Fidelity Within the Fashion House". Crafts.
- ↑ Phelan, Hayley (2012-05-03). "25 Women Designers Who Changed Fashion Forever". Fashionista.com. Breaking Media, Inc. Kontsultatua 2015-04-13.
- ↑ Livingstone, David (1994-11-17). "The Graceful Drapings of Madame Grès New York's Metropolitan Museum of Art Honours the Last of the Great Couturieres". Globe & Mail.
- ↑ a b c d Tan-Gan, Lulu (2014-08-29). "Madame Grès: The Sculptress of Fabric who Influenced Us". Inquirer.net. Kontsultatua: 2015-04-13.
