Oberea linearis

Oberea linearis
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Phytoeciini
Generoa	Oberea
Espeziea	Oberea linearis Linnaeus, 1761

Oberea linearis Cerambycidae familiako eta Oberea generoko kakalardoa da, zientziarako Lineok 1761ean deskribatu zuena. Europa guztian hedaturik dago eta Euskal Herrian ere aurkitzen da.

Deskribapena

Tamaina txikiko kakalardoa da, 11-15 mm artean neurtzen baitu. Gorputz beltx luze eta estua du eta antena beltz luzeak, ia gorputza bestekoak. Parez pare zabaltzen ditu antenak, intsektuak berak "T" itxura hartuz. Hiru hanka pareak horiak dira.

Ile laburrak estaltzen du gorputza.

Habitata

Europa guztiko baso hostozabaletan aurkitzen da. Larbak hurritz bizien enborretan hazten dira, arraroa izan ohi de bestelako zuhaitz espezietan aurkitzea.

Bizi zikloa

Bi urteko zikloa betetzen du. Helduak maiatza eta uztaila artean ikusten dira. Emeak hurritzaren adar batean 10-30 mm-ko zulo errektangular bat egiten du eta arrautza bakarra jartzen du bertan. Handik jaiotzen den larba zurez elikatzen da eta galeriak osatzen ditu. Zulaturiko adarretako hostoak lehortu eta erori egiten dira.

Bigarren urteko udaberriaren erdialdera pupa eratu eta hiru asteren buruan heldua ateratzen da.

Iruditegia

• 
  Alboko ikuspegia.
• 
  Burua.
• 
  Burua eta pronotoa.

Kanpo estekak

• Datuak: Q162775
• Multimedia: Oberea linearis / Q162775
• Espezieak: Oberea linearis