The Night of the Hunter

The Night of the Hunter
Jatorria
Argitaratze-data	1955
Izenburua	The Night of the Hunter
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Zinema beltza, crime thriller (en) , film dramatikoa eta eleberri batean oinarritutako filma
Iraupena	89 minutu
Kolorea	zuri-beltzekoa
Deskribapena
Oinarritua	The Night of the Hunter (en)
Honen parte da	National Film Registry (en)
Zuzendaritza eta gidoia
Zuzendaria(k)	Charles Laughton
Gidoigilea(k)	James Agee; Davis Grubb (en) ; Charles Laughton
Antzezlea(k)
	Robert Mitchum (Reverend Harry Powell (en) ); Shelley Winters ; Lillian Gish ; James Gleason ; Peter Graves ; Don Beddoe ; Billy Chapin ; Evelyn Varden (en) ; James Griffith
Ekoizpena
Ekoizlea	Paul Gregory
Bestelako lanak
Musikagilea	Walter Schumann
Argazki-zuzendaria	Stanley Cortez
Fikzioa
Kontakizunaren tokia	Appalacheak
Argumentu nagusia	serieko hiltzailea eta heriotza zigorra

The Night of the Hunter (euskaraz Ehiztariaren Gaua) 1955ko Charles Laughton ingeles zinema zuzendariaren thriller filma bat da. 1953ko Davis Grubb idazlearen The Night of the Hunter eleberrian oinarritua dago. Robert Mitchum, Shelley Winters eta Lillian Gish aktoreek antzeztu zuten.

Laughtonek zuzendutako filma bakarra izan arren, maisulantzat jo ohi da, aktore beteranoa izanik zinemagintzaren lanbidea bikain ezagutzen baiztuen. Filma umeentzako ipuin gisa kontatua dago, Bibliako pasarte ugariez apaindua, eszena sinboliko eta oniriko ugari dituelarik: ibaiko txalupako eta armiarma sarearen eszena, gauez ontzak untxia ehizatzen duen eszena, predikatzaileak bere eskuetan hazt koskoetan tatuatuak dituen "maitasun" eta "gorroto" hitzak (ongia eta gaizkiaren etengabeko borroka)... Bestalde argazkigintzak eta argi eta itzal jokoek ere filma honetako istorioa kontatzerakoan garrantzi handia dute.

Filmaren hasierako Bibliako pasartearen aipamena bera jada protagonista nagusiaren aurkezpen bikaina da:

«	Ez zaitezte bildots larruez estaltzen diren profeta faltsuez fidatu, zinez otsoak bezain ankerrak baitira, heuren egiteen bidez ezagutuko dituzuelarik...	»
Mateo, 7:15-16.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

1930eko hamarkada, Mendebaldeko Virginia. Ben Harper (Billy Chapin) lapurreta egin eta bi gizon hiltzeagatik espetxaratua dago. Espetxera sartu aurretik lapurretan lortutako dirua ezkutatu du. Jada espetxean dagoela, lotan dagoela ametsetan hitzegin eta bere ziega kidea den Harry Powell (Robert Mitchum) erreberendo fanatiko, ero eta serieko hiltzaileak entzun eta dirua non dagoen jakin nahiko du. Azkenean Ben Harper presoa exekutatua da. Harry Powell espetxetik ateratzean diruaren bilaketari ekingo dio, horretarako lehenbiziko Harperen alarguna (Shelley Winters) bisitatzera joango da...

Erreberendoak eskuineko ukabiletako hatz-koskoetan LOVE (maitasuna) eta ezkerrekoan HATE (gorrotoa) hitzak tatuatuak ditu.

Aktoreak[aldatu | aldatu iturburu kodea]

Robert Mitchum: Harry Powell erreberendoa
Shelley Winters: Willa Harper
Lillian Gish: Rachel Cooper
Billy Chapin: John Harper
Evelyn Varden: Icey Spoon
Peter Graves: Ben Harper
Sally Jane Bruce: Pearl Harper
James Gleason: Birdie Steptoe
Don Beddoe: Walt Spoon
Gloria Castillo: Ruby

Kanpo estekak[aldatu | aldatu iturburu kodea]

The Night of the Hunter filmaren IMDBko fitxa irakurgai (Ingelesez)
The Night of the Hunter filmaren trailer edo iragarkia. Youtube.com (Ingelesez)

Datuak: Q1132629
Multimedia: The Night of the Hunter (film) / Q1132629