Tokyo Godfathers

Tokyo Godfathers
Jatorria
Argitaratze-data	2003
Izenburua	東京ゴッドファーザーズ
Jatorrizko hizkuntza	japoniera
Jatorrizko herrialdea	Japonia
Banatze bidea	eskatu ahalako bideo eta theatrical release (en)
Honen izena darama	3 Godfathers (1948ko filma)
Ezaugarriak
Genero artistikoa	abenturazko anime eta manga, komedia-dramazko anime eta manga, Gabonetako filma, LGBTeei buruzko filma eta animated film with LGBT character(s) (en)
Iraupena
Kolorea	koloretakoa
Zuzendaritza eta gidoia
Zuzendaria(k)	Satoshi Kon
Gidoigilea(k)	Keiko Nobumoto (en) Satoshi Kon [[Kategoria:Keiko Nobumoto (en) idatzitako filmak]]
Ekoizpena
Ekoizlea	Masao Maruyama (en) [[Kategoria:Masao Maruyama (en) ekoitzitako filmak]]
Konpainia ekoizlea	Madhouse
Edizioa	Takeshi Seyama
Bestelako lanak
Musikagilea	Keiichi Suzuki (en)
Fikzioa
Kontakizunaren tokia	Tokio
Historia
Jasotako sariak	Q106318977
sonypictures.jp…
Bideoa	YouTube

Tokyo Godfathers (japonieraz: 東京ゴッドファーザーズ, Tōkyō Goddofāzāzu, euskaraz: «Tokioko Aitabitxiak») Satoshi Kon zuzendariaren anime bat da, Studio Madhousek bizia emandakoa. John Forden 1948ko 3 Godfathers westernak zuzendariaren hirugarren film honen molde gisa balio izan zuen.

Bilbea

Gin alkoholikoa, Hana drag queen ohia eta Miyuki iheslaria Tokion kale gorrian bizi ziren, Shinjuku barruti aberatsaren zaborrak eskaintzen zienari esker. Gabon-gauean, haien ibileratako batean zabor-poltsen artean umetxo bat topatu zuten. Haren gurasoen bila joan ziren, eta hirutzuk euren iraganari aurre egin behar izan zioten.

Pertsonaiak

Oharra: Atal honek istorio osoa edo amaiera argitzen du.

Miyuki

Taldeko gazteena da, etxetik ihes egin zuen, eztabaida batean bere aita -polizia-ofizier bat- aiztoaz larriki zauritu ostean. Aita bizirik atera zen, baina lotsagatik Miyukik ez zen etxera itzultzen ausartzen, zenbait biderrez berriro harremanetan jartzen saiatu arren. Edozelan ere, haurtxo desagertua ardurapean daukan ofiziera Miyukiren aita zenez, filmaren amaieran berriz elkartu ziren.

Hana

Hana gaueko taberna batean lan eta bizi zen. Gonbidatu mozkor batekin istilu bat izan ostean, etxe barik geratzea erabaki zuen. Ostera ere, lotsa piztaile nagusia da.

Gin

Gin bere emaztearekin eta alaba Kiyokorekin nahiko bizitza ohikoa igaro zuen. Bere alkoholismo eta joko-irrika dela-eta, zorraren amarruan gero eta gehiago jausten da, eta etxegabe bihurtzen da bere sendiari arazoak sahiestarazteko. Hana auto-istripu bat izateagatik erietxeratu behar izan zutenean, bere alabarekin berriz elkartu zen, bertan Kiyoko erizaina baitzen.

Ekoizpena eta argitaratzea

Filma, Satoshi Konen zuzendaritzapean, Studio Madhousek 2001etik 2003ra artean ekoitzi zuen. Pertsonaien marrazketa Kenichi Konishi eta Satoshi Konek berak sortu zuten; Nobutaka Ike erti-zuzendaria izan zen, eta musika Keiichi Suzukik ondu zuen.

Animea Japonian Sony Picturesek atera zuen 2003an. Horren ostean, besteak beste, ingelesera, frantsesera, espainierara eta errusierara itzuli zuten.

Kanpo estekak

• Datuak: Q917278