Txikipedia:Goar Lopetegi
Goar Lopetegi Nieto (Ibarra, 1994ko martxoaren 14a). Mendi lasterketetan ibiltzen den ibartarra da eta lanbidez fisioterapeuta. Familian lau kide dira: ama Josune, aita Ander, arreba Maider eta bera. Aipagarriak dira bere Goierriko Bi Handietan lortu zuen bigarren postua (2019) eta Hiru Handietan lortutako laugarren postua (2018). Bere aitak bultzatuta hasi zen mendian korrika eta mendi lasterkari izateagatik da ezaguna.
Nola hasi zen lasterketak egiten?[aldatu | aldatu iturburu kodea]
Txikitan familiarekin mendira joaten zen. Baina 12 urte zituela bere aita eta osaba ikusi zituen Tolosako 14 orduak egiten eta horrek inbidia sorrarazi zion. Bere aitarekin hitz egin ondoren adostu zuten, 14 urte zituenean parte hartuko zuela berak ere. Horrela pixkanaka-pixkanaka hasi zen mendian korrika eta lasterketetan parte hartzen.
Txikitako zaletasunak[aldatu | aldatu iturburu kodea]
Goar txikitatik hasi zen korri egitera joaten bere aitarekin. Dantzan ere aritu zen, baina utzi egin zuen denboraldi batean, eta gero, bere lagunekin berriro bueltatu zen. Patinaia eta izotzetako hockey-a ere probatu zituen, baina pixkanaka uzten joan zen. Horrez gain, areto futbola ere praktikatzen zuen.
Ikasketak[aldatu | aldatu iturburu kodea]
Uzturpe ikastolan ikasi zuen txikitan, eta gero batxilerra Laskorain ikastolan burutu zuen. Ondoren, Fisioterapia ikasketak egin zituen Tuterako unibertsitatean, eta orain, osteopatia ikasten ari da.
Parte hartu duen lasterketa garrantzitsuak[aldatu | aldatu iturburu kodea]
Goarrek honako lasterketa garrantzitsu hauetan parte hartu izan du:
- Tarteka asfaltoko karreretan ere parte hartu izan zuen, adibidez, Ataungo Hiru auzoak lasterketan.
Palmaresak[aldatu | aldatu iturburu kodea]
2018an, Xibero Trai lasteketan 1. postua irabazi zuen.
O'viento Rondador lasterketan ere lehenengo postua lortu zuen.
Tolosaldeko 3 tontorretan, hirugarren geratu zen.
2019an, 90km-ko Goierriko Bi Handiak lasterketa egin zuen, bere lagun Jon Azpirozekin batera: bere laguna lehenengo gelditu zen, eta bera, berriz, bigarren. Berak dioenez, bere lasterketarik garrantzitsuenetarikoa izan zen, laguna ondoan izan zuelako laguntzeko.