Viola rupestris

Viola rupestris
	Irudi gehiago
Sailkapen zientifikoa
Erreinua	Plantae
Ordena	Malpighiales
Familia	Violaceae
Generoa	Viola
Espeziea	Viola rupestris; F.W.Schmidt

Viola rupestris pentsamenduen generoko landarea da, Eurasian eta Ipar Amerikan hedaturik dagoena. Lurzoru meheko larretan eta harkaitzetan hazten da, gehienetan kareharrizko substratuetan,^[1] Euskal Herrian 300-2150 metro arteko garaieran.^[2]

Deskribapena[aldatu | aldatu iturburu kodea]

Landare iraunkorra da, hemikriptofitoa, 2-6(15) zentimetrokoa, belarkara eta zurtoinduna. Hosto-erroseta dauka zurtoinaren oinean. Hosto-orria (0,5)1-2(3,5) x 0,6-1,8(2,8) cm, berde urdinxka, larrukara samarra, suborbikularra edo subobatua, bihotz formakoa oinaldean; ertza pitin bat oxkarduna edo ia koxkagabea. Estipula obatu-lantzeolatuak, 2-5 finbria parez hornituak.^[1]

Lore usaingabeak. Sepaloak 4-7(10) x 1-1,5(2) milimetrokoak, obatu-lantzeolatuak, zorrotzak eta pixka bat kurbatuak; luzakinak 0,5-1(2) milimetrokoak. Petalo more argiak; azpikoa 8(11)-13(16) milimetro luze; ezproia 2-4 x 1,5-2,5 milimetrokoa, argiagoa petaloak baino. Martxoa eta uztaila bitartean loratzen da.^[1]

Erreferentziak[aldatu | aldatu iturburu kodea]

↑ ^a ^b ^c Viola rupestris F.W. Schmidt. Asturnatura, 513. zenbakia, 2015-1-26, asturnatura.com (Noiz kontsultatua: 2021-2-26).
↑ Lorda López, Mikel. Catálogo florístico de Navarra. jolube.files.wordpress.com (Noiz kontsultatua: 2021-2-26).