Vitali Gerasimov

Vitali Gerasimov
Bizitza
Jaiotza	Kazan, 1977ko uztailaren 9a (46 urte)
Herrialdea	Sobietar Errepublika Sozialisten Batasuna Errusia
Lehen hizkuntza	errusiera
Hezkuntza
Heziketa	Kazango Komandazio Militarrerako Eskola Errusiako Federazioko Indar Armatuetako Arma Konbinatuen Akademia 2007) Kazango Tankeen Aginteko Goi Eskola 1999) Errusiako Indar Armatuen Estatu Nagusiaren Akademia Militarra 2019)
Hizkuntzak	errusiera
Jarduerak
Jarduerak	ofizierra
Jasotako sariak	ikusi Medal of the Order "For Merit to the Fatherland", 2nd class Medal of the Order "For Merit to the Fatherland", 1st class Order "For Merit to the Fatherland", 4th class with Swords Kemenaren ordena Order of Military Merit medal for military valour medal for distinguished military service Medal "For the Return of Crimea" Medal to Participant in Military Operations in Syria Order of Alexander Nevsky
Zerbitzu militarra
Adar militarra	Errusiako Lurreko Indarrak Errusiako Tankeen Tropa
Gradua	tanke-indarren maior jenerala teniente jeneral
Parte hartutako gatazkak	Bigarren Txetxeniako Gerra Siriako gerra zibileko Errusiaren operazio militarrak Errusia-Ukraina gerra (2022) Kharkiveko gudua

Vitali Petrovitx Gerasimov (errusieraz: Виталий Петрович Герасимов) (Kazan, Sobietar Batasuna, 1977ko uztailaren 9a) Errusiako Lurreko Indarren maior jenerala da. 2022ko Ukrainiako inbasioan esku hartu zuen eta Arma Konbinatuen 41. Armadako lehen komandanteordea zen, bai eta bertako pertsonal-buru ere. Ukrainako defentsa ministerioak heriotza iragarri zuen, baina 2022ko maiatzean BBCk baieztatu zuen bizirik zegoela eta Alexander Nevskiren Ordenarekin kondekoratua izan zela.

Biografia

Vitali Gerasimov Kazanen jaio zen, 1977ko uztailaren 9an. Gerasimov Kazango Tankeen Aginteko Goi Eskolan graduatu zen 1999an, bai eta Errusiako Federazioko Indar Armatuen Arma Konbinatuen Akademian 2007an.

Txetxeniako Bigarren Gerran eta Errusiak Sirian egindako operazio militarrean parte hartu zuen. Gerasimovek "Krimea Itzultzeagatik" Domina ere jaso zuen. 2013an, koronel gisa, Banatutako Fusilarien 15. Brigadako komandantea izaten hasi zen. 2016an, Aleysken egoitza duen Arma Konbinatuen 41. Armadako Fusil Motorizatuen 35. Brigadaren agintea jaso zuen.

Ustezko heriotza

Dirudienez, 2022ko Ukrainaren inbasio errusiarrean hil zuten, 2022ko martxoaren 7an, Kharkivetik gertu. Bellingcatek adierazi zuenez, heriotza baieztatu zuen ukrainar komunikazio-intertzeptazio batetan, non Gerasimoven heriotzaz hitz egiten zen. The Guardian egunkariak martxoaren 8an jakinarazi zuenez, Ukrainako defentsa-departamentuak "baieztatu zuena Errusiako FSBko bi ofizialen arteko elkarrizketa bat izan [egon zela, non errusiar batek] heriotzari buruz hitz egiten zuen eta bere komunikazio seguruek Ukraina barruan funtzionatzen ez zutelako kexatzen zen". CNNk ere adierazi zuen ez zuela modu independentean egiaztatu Gerasimoven heriotza, bai eta agintari estatubatuarrek ez zutela baieztatu ere.

Kanpo estekak

• Datuak: Q84720913