Wymysorys

Wymysorys
Wymysiöeryś
Datu orokorrak
Lurralde eremua	Polonia
Hiztunak	70 lagun inguru
Eskualdea	Wilamowice
UNESCO sailkapena	4: arrisku larrian
Araugilea	Wymysiöeryśy Akademyj
Hizkuntza sailkapena
giza hizkuntza indoeuropar hizkuntzak germaniar hizkuntzak mendebaldeko germaniar hizkuntzak goi alemaniar hizkuntzak Central German (en) East Central German (en)
Alfabetoa	latindar alfabetoa
Hizkuntza kodeak
ISO 639-3	wym
Ethnologue	wym
Glottolog	wymy1235
Wikipedia	wym
UNESCO	1474
IETF	wym

Wymysorys edo wilamowicera (Wymysiöeryś) Poloniako Wilamowice herrian hitz egiten den mendebaldeko germaniar hizkuntzen familiako mikrohizkuntza da. Hizkuntza galzorian dago. Gaur egun 70 hiztun inguru besterik ez ditu, horietatik gehienak adinekoak direla.

Historia

Wymysorys hizkuntza XII. mendeko erdialdeko goi-alemanetik datorrela uste bada ere, behe-aleman, nederlandera, frisiera, poloniera, ingelesa eta eskoziera hizkuntzen eragin nabarmena izan du. Wilamowicetarrak, segur aski, XIII. mendean Poloniara joandako herbeheretarren, alemanen eta eskoziarren ondorengoak dira.

Wymysorysaren erabilera hedatua zegoen 1945era arte, Poloniako agintari komunistek honen erabilera debekatu zutenean. Nahiz eta 1956an debekua kendu, polonierak wymysorysaren lekua hartu zuen, batez ere belaunaldi gazteen artean. 2006ko datuen arabera, bakarrik 70 lagun inguruk zekiten hizkuntza, gehienak adinekoak izanik.

2007ko uztailaren 18an Ameriketako Estatu Batuetako Kongresuaren Liburutegiak wymysorys hizkuntza erregistratu zuen eta wym ISO kodea esleitu zion.

2013ko azaroaren 7an Wymysorysaren Akademia (Wymysiöeryśy Akademyj) sortu zuten Varsoviako Unibertsitatean wymysorysaren inguruko informazioa biltzeko eta hizkuntza suspertzeko.

Alfabetoa

Alfabetoa
a	ao	b	c	ć	d	e	f	g	h	i	j	k	ł	l	m	n	ń	o	ö	p	q	r	s	ś	t	u	ü	v	w	y	z	ź	ż
A	AO	B	C	Ć	D	E	F	G	H	I	J	K	Ł	L	M	N	Ń	O	Ö	P	Q	R	S	Ś	T	U	Ü	V	W	Y	Z	Ź	Ż

Adibideak

Polonieraz (behean) eta wymysorysaz (goian) idatzitako kartela.

Sehaska-kantak

Śłöf maj büwła fest! Skumma fremdy gest, Skumma müma ana fetyn, S’Brennia nysła ana epułn, Śłöf dy Jasiu fest!	Egizu lo, ene mutiko, seko! Kanpoko bisitariak badatoz, Izebak eta osabak badatoz, Hurrak eta sagarrak dakartzate, Egizu lo seko Jontxo!
edo
Kum zie makja Dü cy mir ych wył kuza abysła myt dir	Hator neska Hi nigana Hitz egin nahi nuke Apur bat hirekin

Literatura

Wilamowicerazko olerkaririk ezagunenak hurrengoak dira: Florian Biesik XIX. mendean, Józef Kuczmierczyk XX. mendean eta Józef Gara XXI. mendean.

Kanpo estekak

• Datuak: Q56485
• Multimedia: Wymysorys language / Q56485