Zikloalkano

2-ziklopropil-4-etil-1-metilziklohexanoa

Zikloalkano hidrokarburo zikliko aseen izen generikoa da. C_nH_2n formula orokorra dute^[1]. Izendatzeko alkano parekidearen izenari ziklo aurrizkia eransten zaio, adibidez, ziklopropanoa edo ziklohexanoa.

Zikloalkanoen erreaktibitatea pareko alkanoen antzekoa da ziklo txikienetan izan ezik, non, loturaren tentsioak erreaktiboagoak egiten dituen. Alkanoek baino fusio- eta irakite-puntu altuagoak izaten dituzte beren kristal-egitura konpaktuagoa eta trinkoagoa delako.

Naturan petrolioan aurkitzen dira eta karbono-kopuru handiko batzuk (14 – 18 atomo) perfumegintzan baliatzen den musketaren jariakinaren osagai dira.