Euskal Herriko Ahotsak
Euskal Herriko Ahotsak euskararen ahozko ondarea eta herri hizkerak katalogatu eta hedatzea helburu duen ekimen bat da, Badihardugu euskara elkarteak abiarazia eta zuzendua. Euskal Herriko herrietako zaharrak elkarrizketatzen, haien euskara eta bizipenak jasotzen, eta herritarren artean ondare hori zabaltzen lan egiten du. Euskal Herri osoko datuak biltzen ditu, eta dohainik eskaintzen du bildutako materiala, batez ere Ahotsak.com webgunearen bidez. Ekimen irekia da, interesa duen orok parte har dezake, adituek gidatuta.[1]
Erreferentziak
- ↑ «Euskal Herriko Ahotsak: informazio orokorra», Ahotsak.com webgunea.
Kanpo loturak
- Ahotsak.eus, Euskal Herriko Ahotsak ekimenaren webgunea.