Godfrey Newbold Hounsfield
Godfrey Newbold Hounsfield (Nottinghamshire, 1919ko abuztuaren 28a - Kingston upon Thames, Surrey, 2004ko abuztuaren 12a) britainiar ingeniaria izan zen.
1951n Electrical and Musical Industries taldean hasi zen lanean, eta Medikuntza Ikerkuntzarako Saileko zuzendari izatera iritsi zen. X izpien tomografia konputerizatuaren teknika landu zuen, gorputzeko ehun zurien bereizmen handiko irudiak lortzeko. 1970ean gorputzaren lehen eskanerra egin zuen teknika hori erabiliz. Horretaz gainera, garrantzi handiko lanak egin ditu radar eta ordenagailuen gainean.
1979an Fisiologia eta Medikuntzako Nobel saria jaso zuen, Allan M. Cormackekin batera, tomografia axial konputerizatuan egindako lanarengatik. Harrezkero medikuntzarako irudi baliagarriak lortzeko teknikei buruzko ikerketak egiten jarraitu du, eta erresonantzia magnetiko nuklearraren erabilera zabaltzen ahalegindu da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.