Eusko Jaurlaritza
Wikipedia(e)tik
Eusko Jaurlaritza Euskadi edo Euskal Autonomia Erkidegoko gobernua da eta egoitza nagusia Gasteizen du. Araba, Bizkaia eta Gipuzkoako lurralde historikoetan du eskumena. Jaurlaritzaren burua Lehendakaria da (gaur egun, EAJ alderdiko Juan Jose Ibarretxe ). Eusko Legebiltzarra edo parlamentua da Eusko jaurlaritzaren kontrola daraman erakundea, eta orobat lehendakaria aukeratzen duena.
Eduki-taula |
[aldatu] Historia
Eusko Jaurlaritza 1936an sortu zen, Espainiako gerra garaian, aurreneko lehendakari Jose Antonio Agirre izan zelarik. Autonomiak, ordea, ez zuen luze iraun: Francisco Francoren altxamendua nagusitu zenean, bertan behera gelditu ziren Euskadiko eta Kataluniako Autonomia Estatutuak. Franco hil eta diktadura amaitu zenean, trantsizio garaia ireki zen Espainian eta handik pixka batera Gernikako Estatutua onartu zen. Ondorioz, 1979an, berriro abian jarri zen Eusko Jaurlaritza, Karlos Garaikoetxea lehendakari aukeratu zutelarik.
[aldatu] Antolaketa
Eusko Jaurlaritzak hamahiru sailetan banatzen ditu bere funtzioak. Sail bakoitzak sailburu bana du:
- Lehendakaritza: Juan Jose Ibarretxe
- Lehendakariordetza: Idoia Zenarrutzabeitia
- Ogasun eta Herri Administrazioa Saila: Idoia Zenarrutzabeitia
- Justizia, Lan eta Gizarte Segurantza Saila: Joseba Azkarraga
- Herrizaingo Saila: Javier Balza
- Industria, Merkataritza eta Turismo Saila: Ana Agirre
- Etxebizitza eta Gizarte Gaietako Saila: Javier Madrazo
- Hezkuntza, Unibertsitate eta Ikerketa Saila: Jose Antonio Campos
- Osasun Saila: Gabriel Maria Inclan
- Kultura Saila: Miren Azkarate
- Ingurumen eta Lurralde Antolamendu Saila: Esther Larrañaga
- Garraio eta Herri Lan Saila: Nuria Lopez de Gereñu
- Nekazaritza, Arrantza eta Elikadura Saila: Gonzalo Saenz de Samaniego
