Ikasturte amaierako bidaia

Ikasturte amaierako bidaia ikastegi bateko ikasleek elkarrekin burutzen duten egun batzuetako bidaia-mota bat da, gehienetan ikasturtearen amaieran edo tarteko oporraldi batean egiten dena. Bidaiaren helburuak hezkuntza, aisiazkoak edo biak batera izan daitezke. Ikasleak adin txikikoak direnean, beharrezkoa da ikastegiko arduradunen batek ikasleak bidaian laguntzea eta ikaslearen gurasoen baimena izatea. Unibertsitateko ikasleen artean ere ohikoa da ikasturte edo karrera amaierako bidaiak antolatzea, baina kasu hauetan aisia soilik izaten da bidaiaren helburua.

Bidaia ordaintzeko ikasleek denetariko ekimenak antolatzen dituzte: kamiseta eta bestelako produktuen salmenta edo festak eta bestelako ekitaldiak. Euren poltsikotik kuotak ere ordaintzen dituzte. Ikastegi edo unibertsitatetik diru kopuru bat jaso ere egiten da batzuetan. Bidaia hauetako kostua banaka edo talde txikietan egiten diren bidaietan baino txikiagoa izaten da, ikasle talde handiek beherapenak jasotzeko aukera handiak baitituzte.

Kanpo estekak

Wikiztegian orri bat dago honi buruz: Kurtso amaierako bidaia  edo kurtso amaierako bidaia.

• Datuak: Q9093166