Jedi

Wikipedia(e)tik
Hona jo: nabigazioa, Bilatu

Star Wars unibertsoan, Jedi bat gerlari-ordena mistiko bateko pertsonaia boteretsua eta jakintsua da, eta ordena honek Coruscant planetan ditu kuartel nagusia eta tenplua.

Nabarmendu behar da euskaraz, jatorrizko idazkera erabili arren, iedai ahoskatzen dela, ingelesez bezala.

Jedi filosofia[aldatu | aldatu iturburu kodea]

Jediek darabiltzaten argi-ezpatak

Sarritan nahasten den arren, Indarrarekiko sentikortasuna eta honengan duten boterea ez da euren filosofia berezia ematen diena, eta bere bideen jakitun denari ematen dion botere itzelaren aurkikuntzaren ostean garatu zen.

Jedi filosofiaren helburua ez da Indarrean ahalik eta botere gehien lortzea soilik, baizik eta honekiko sentikorrak direnei Alde Ilunaren eragin erakargarrian ez erortzeko beharrezkoak diren barne-tresnak ematea ere, guztiz alde batera utziz gorrotoa, amorrua, beldurra, tristura, eta abar. Egitez, Jedi filosofia pentsamenduen eta emozioen kontrolean datza (adibidez, pentsatu baino, sentitzean), eta meditazio sakonen bidez jakituria lortzean zentratzen da gehien bat (eta bere helburua ez da boterea, hau izanik Sith-ek bilatzen dutena sentimenduen erabileraren bitartez). Indarraren borondatearekiko debozio eta obedientzia osoan zentratzen da ere. Gainera, Jedi bat Indarrarekiko, Jedi Kontseilu Nagusiarekiko eta bere buruarekiko leial da, ordena honetan. Kanpo leialtasunekin kontua izan dezaten hezten dira padawan-ak txikitatik. Maitasuna bezalako sentimendu positiboek ere Jedi bezala dituzten betebeharrak betetzean oztopa dezaketela ere irakasten zaie.

Commonsen badira fitxategi gehiago, gai hau dutenak: Jedi Aldatu lotura Wikidatan