Nerbio trigeminoaren nukleo eragilea[aldatu | aldatu iturburu kodea]

Nerbio trigeminoaren edo V. bikote kranelaren nukleo eragilea erraietako nukleo eragile berezi bat da; beraz, motoneuronez osatutako nukleoa da. Erraietako nukleo eragilea izanik, garapen enbriologikoan agertutako arku faringeoetatik sortutako giharrengan izango du eragina, nahiz eta muskulu ildaskatua izan. Hain zuzen ere, nukleo hau I. arku faringeotik sortutako giharreriarekin erlazionatzen da. Informazio bilaterala jasoko du kortexeko zuntzen bitartez.

Kokapena[aldatu | aldatu iturburu kodea]

Entzefalo enborraren zubian aurkitzen da, nukleo somatiko orokorrak baino alborago. Horrekin batera, nerbio zuntzen irteera ere nahiko albokoa izango da.

Ibilbidea[aldatu | aldatu iturburu kodea]

Nerbio trigeminoaren nukleo eragilean dauden neuronen axoiak trigemino nerbioaren barail adarraren bitartez (V3), aterako dira. Adar hori zulo obaletik igaroko da eta hainbat muskulu inerbatuko ditu, gihar murtxikatzaileak, aho zoruko muskuluak, muskulu tinpano tenkatzailea eta aho sabaiaren errezelaren muskulu tenkatzailea.