Love Story
Love Story (euskaraz Maitasun Istorioa) 1970eko Arthur Hiller estatubatuar zinema zuzendariaren amodiozko drama filma bat da. Erich Segalek idatzitzako izenburu berdineko Love Story eleberrian oinarritua dago, bestalde, eleberri horretan oinarritutako Love Story musikala ere badago. Ali MacGraw, Ryan O'Neal, John Marley eta Ray Milland aktoreek antzeztu zuten.
Oscar Sarietarako zazpi izendapen jaso eta bat bakarra irabazi zuen: Jatorrizko soinu banda onenaren Oscar Saria (Francis Lai).
Argumentua
Oliver Barrett IV (Ryan O'Neal), Harvard Unibertsitatean graduatutako bankari boteretsu baten semea da, aldiz, Jennyren (Ali MacGraw) aita italiar etorkin langile apal bat da. Dena dela, biak elkar maiteminduko dira, baina gaixotasun baten ondorioz euren maila sozialen ezberdintasuna baina askoz ere larriagoa den zeozerri aurre egin beharko diote.
Aktoreak
- Ali MacGraw: Jennifer "Jenny" Cavalleri
- Ryan O'Neal: Oliver Barrett IV
- John Marley: Phil Cavalleri
- Ray Milland: Oliver Barrett III
- Russell Nype: Dean Thompson
- Katharine Balfour: Barrett andrea
- Sydney Walker: Shapely doktorea
- Robert Modica: Addison doktorea
- Walker Daniels: Ray Stratton
- Tommy Lee Jones: Hank Simpson
- John Merensky: Steve
- Andrew Duncan: Blaufelt erreberendoa
Kanpo loturak
- Love Story filmaren IMDBko fitxa irakurgai (Ingelesez)