Nelson Pereira Dos Santos
Nelson Pereira Dos Santos zinemagile brasildarra da (Sao Paulo, 1928). Zinema-ikasketak Parisen eginik, bere herrira itzuli eta Rio de Janeirori buruzko bere lehen fikzio-lanek Cinema Novo deiturikoaren oinarriak ezarri zituzten: Hollywoodeko ereduekiko haustura, estudioekiko etena eta errealitatetik hurbil egon nahia. Zentsurak eta diktadurak mugaturiko gorabehera handiko karrera izan du, eta Brasilgo literatura-lanak zinemarako egokitu ditu. Ezagunena Memorias do carcere (1984, Kartzelako Oroitzapenak) du, Graciliano Ramos idazlearen liburu batean oinarritua.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.