Robert Rossen
Estatu Batuetako gidoigile eta zinemagilea (New York, 1908 - 1966). Boxeolaria eta idazlea izan zen Hollywooden lanean hasi aurretik. Ezkertiarra zen, eta agerian utzi zuen hori bere filmetan: Body and Soul (1947, Gorputza eta arima), All the King´s Men (1949, Erregearen gizon guztiak). Maccartismoaren garaian Europara erbesteratu behar izan zuen. Estatu Batuetara itzuli zenean Island in The Sun (1957, Uhartea eguzkitan) filmatu zuen. Azken bi filmak ditu bikainenak: The Hustler (1961) eta Lilith (1964).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.