Alejandro Tapia Aiestaran
- Artikulu hau pinteoreari buruzkoa da; beste esanahietarako, ikus «Alejandro Tapia».
Alejandro Tapia Aiestaran (Aginaga, Usurbil, 1930) gipuzkoar pintorea da. Donostiako irudigintza-lantegi batean egin zituen lehen urratsak, eta Madrilgo Arte Ederretako Akademia Librean ikasi zuen ondoren. 1959. urtean itzuli zen Donostiara, eta 1962. urtean jaso zuen lehen saria. Harrezkero irudigintza alde batera utzi eta pintatzeari ekin zion. Euskal Eskolako Ur taldea sortu zuen 1965. urtean Javier Arozena, Karlos Bizkarrondo eta Jose Grazenea pintoreekin batera. Erakusketa asko egin ditu bakarka eta taldean. 1981. urtean erakusketa antologikoa egin zuen Donostiako San Telmo Museoan eta Alga aretoan. Kubismoaren kutsua duen pintura errealista margotzeari eman zion 60ko hamarkadan, eta 70. urteetan espresionismorantz bideratu zen. Lan nagusiak: La calle, La ventana eta Silla de tijera. Azken urteetan paisaia landu du batez ere, eta eskulturara ere itzuli da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.