Alf Ramsey
Alf Ramsey (Dagenham, Essex, Ingalaterra, 1920 - 1999) britainiar futbolaria eta entrenatzailea izan zen. Bere herrialdean sari gehien jaso zituen futbolaria izan zen.
[aldatu] Biografia
Southampton taldean egin zuen debuta, 1946an, atzelari gisa. 1949an, Tottenham Hotspurrek fitxatu zuen, eta talde horrekin Ingalaterrako Bigarren Mailako Liga irabazi zuen 1950ean, eta lehen mailakoa 1951n. Nazioarteko hogeita hamaika partida jokatu zituen bere herrialdeko selekzioarekin, eta erretiroa hartu ondoren, 1955ean, Ispwich Town taldeko entrenatzaile bihurtu zen. Talde horrekin Bigarren Mailako Txapelketa irabazi zuen 1961ean, eta Lehen Mailakoa 1962an. Hurrengo urtean Ingalaterrako selekzioa hartu zuen bere kargu, eta 1966an Munduko Txapelketa irabazi zuen taldea osatuz joan zen. Ingalaterrako selekzioarekin, entrenatzaile gisa, 113 partida jokatu zituen, eta horietatik 96 irabazi. 1974an, kargutik kendu zuten.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
