Autotxokeak

Autotxokeak atrakzio mekaniko mota bat dira, kotxeen arteko talka egiteko aukera ematen duena. Azpian duten pistaren gainazalaren eta sabaiaren arteko konexioaren bidez energia lortzen dute ibilgailu txikiek. Auto horiek babesteko gomazko banda bat dute azpiko aldean, eta haien artean talka egiteko aukera ematen dute modu seguru batean. Operadore batek urrutitik pizten eta itzaltzen ditu, normalki aurrez erositako fitxa bat sartuz kotxean. Bere asmatzailearen inguruan teoria bat baino gehiago daude: batek dio Victor Levand izan zela, General Electricentzat lan egiten zuena; beste baten arabera Max eta Harold Stoehrer izan ziren, 1920an patentea eskuratu zutenak^[1].