Deribatu (finantza)

Finantzan, deribatua bi eragileren arteko kontratu bat da, azpiko aktibo izeneko ondasun baten geroko prezioan edo balioan oinarrituta (bertatik deribatuta, alegia) balio bat duena. Hasiera batean deribatuak finantza-eragiketen arriskua kontrolatzeko erabili baziren ere, egun espekulazio tresna moduan erabiltzen dira, azpiko aktiboa erreferentzia moduan soilik erabiliz. Adibidez, finantza-produktu deribatuen aniztasunaren baitan, ondasun bat geroko data jakin batean prezio zehatz batean saltzeko konpromezua hartzen den kontratuak daude: data horretan prezioa altuagoa bada, saltzeko konpromezua hartu duenak galera izango du, ondasun hori prezio altuan erosi eta hitzartutako prezio baxuagoan saldu beharko baitu; transakzio fisikoa burutu ordez, saltzeko konpromezua hartu zuenak galera hori zuzenean ordainduko dio erosteko konpromezua hartu zuen eragileari eta horrela zorra kito egiten da; aitzitik, geroko prezioa hitzartutakoa baino baxuagoa bada, galera izango duena erosteko konpromezua hartu zuena izango da.

Aldi berean, deribatuek balio bat ere badute eta saldu eta erosi egin daitezke finantza merkatuetan.

Artikulu hau ekonomiari buruzko zirriborroa da. Wikipedia lagun dezakezu edukia osatuz.