Elektrolisi

Wikipedia(e)tik
Hona jo: nabigazioa, Bilatu
Elektrolisi diagrama

Elektrolisia elektrizitatearen bidez substantzia baten osagaiak banatzeko prozesua da, adibidez uraren kausuan hidrogenoan eta oxigenoan banatzen da. Elektrolitoak dituen soluzio batetik korronte elektrikoa igaroaraziz egiten da. Elektrolito ontzi batean egiten da elektrolisia; ontziaren barruan elektrolitoa eta pila bati lotutako metalezko bi barra (elektrodoak) jartzen dira. Potentzial desberdintasuna sortzen da bi elektrodoen artean, elektrolitoaren ioi positiboak katodora joaten dira eta ioi negatiboak anodora. Berunezko, nikelezko, zilarrezko edo bestelako elektrolito batetik korronte elektrikoa igarotzen denean, soluzioa deskonposatu eta metala katodoaren gainean gelditzen da aske. Metala lortzeko energia iturri gisa elektrizitatea erabiltzen duen prozeduran erabiltzen da batez ere (elektrometalurgian).

Prozedura[aldatu | aldatu iturburu kodea]

Elektrolisia egiteko hurrengo prozedura jarraitu behar da:

  • Banatu beharreko substantzia urtu edo disolbatu egin behar da, substantzia ioietan banatu dadin.
  • Disoluzioan sartutako bi elektrodoetan zehar korronte elektriko jarraia pasaraziko da, korronte elektrikoak pila batean du jatorria. Pilako polo negatibora lotutako elektrodoa katodoa izango da, eta polo positibora lotutakoa anodoa.
  • Anodora ioi positiboak inguratuko dira, eta katodora ioi negatiboak.
  • Elektrodoetan elektroi transferentziako erreakzioak gertatuko dira, hau da, katodoak elektroiak kenduko dizkio anioiari, eta anodoak elektroiak emango dizkio katioiari. Azken batean oxidazio-erredukzio erreakzioak gertatuko dira.

Uraren elektrolisia egiteko ur distilatua erabili behar da, bestela disolbatutako gatzek ere elektrolisia jasango dute. Uraren kasuan oxigeno anioia (O2-) anodora joango da, oxigeno gasa (O2) sortuz. Hidrogeno katioia (H+) berriz katodora joango da eta hidrogeno gasa (H2) sortuko da. Prozesu hau kontu handiz egin behar da, bai hidrogenoa eta baita oxigenoa gas sukoiak direlako.

Historia[aldatu | aldatu iturburu kodea]

1800. urtean William Nicholsonek aurkitu zuen elektrolisia bateriaren funtzionamendua aztertzen zegoenean. Michael Faradayk, fisikari eta kimikari ingelesak, 1833 eta 1836 urteen bitartean elektrolisiaren legeak garatu zituen.

Elektrolisiaren erabilerak[aldatu | aldatu iturburu kodea]

Elektrolisi prozesua sarritan erabiltzen da gaur egun.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Elektrolisi Aldatu lotura Wikidatan