Guardiana de los Ríos

Aldatu loturak
Wikipedia, Entziklopedia askea
Guardiana de los Ríos
Jatorria
Argitaratze-data2016
Jatorrizko hizkuntzagaztelania
Jatorrizko herrialdeaHonduras
Ezaugarriak
Genero artistikoafilm dokumentala
Iraupena67 minutu
Zuzendaritza eta gidoia
Zuzendaria(k)Jennifer Ávila Reyes

Guardiana de los Ríos Jennifer Ávilak 2016an zuzendutako dokumentala da, Berta Cáceres borrokan oinarrituta Hondurasko ibaien salmenta salatzen du.

Aurrekariak[aldatu | aldatu iturburu kodea]

Hondurasko uraren legeak energia elektrikoa sortzeko urtegiak baimendu zituen eta 2009ko estatu-kolpetik atera zen gobernuak 40 bat kontratu sinatu zituen enpresa desberdinekin hauek ustiatzeko. Herri indignek kontra egin zioten eredu horri.[1][2] Dokumental hau Berta Cáceresen erailketaren hurrengo egunean hasi zen grabatzen.[3] Pueblos aldizkariak argitaratutako elkarrizketa batean, Jennifer Ávilak hau adierazten du:

(...) guk bagenuen dokumental bat egiteko kezka, ura eta ibaiak babesteko komunitateek egiten duten borroka erakusteko. Bertak laguntzen zituen borroka horiek; horregatik, elkarrizketa bat egin genuen harekin. Berta hil zutenean ari nintzen gidoia prestatzen. Oso kolpe gogorra izan zen. Mehatxuak jasan zituen arren, inork ez zuen espero, nazioartean ere oso ezaguna baitzen. (Hiletara joandako guztiak) Berta agurtzera joateaz gain, borrokarekiko konpromisoa berresten zuten, eta horrek indarra eman zigun dokumentala komunitateekin grabatzen hasteko.

Laburpena[aldatu | aldatu iturburu kodea]

Dokumentalean Hondurasko ibaien salmenta salatzen da, bertan bizi diren pertsona eta ingurugiroa kaltetzeaz gain herri indigenei buruzko OIT-ren 169. hitzarmena urratzen da. Gainazaleko eta lurpeko ibaiak lehortzeak eragin ezkor zuzena du izan du komunitateetan. Batetik, ur edangarria murriztu delako eta bestetik, nekazaritza eta basoen hazkundea zaildu dituelako.[1]

Elkarrizketak[aldatu | aldatu iturburu kodea]

Hainbat komunitate-buruzagi, gobernuko funtzionario eta enpresaburu elkarrizketatuko dituzte dokumentalean. Horien artean honako hauek aipa ditzakegu: María Santos, Santa Elenako alkateordea; Arnold Castro, energia elektrikoko enpresaburua, La Aurora SAko inbertsioen burua eta Gladis Aurora López Calderón kongresuko lehendakariordearen senarra;[4][5] Eduardo Ramírez, Espartako alkatea; eta Kevin Reyes; ingurumenaren aldeko liderra.

Ekoizpena[aldatu | aldatu iturburu kodea]

Radio Progreso eta Madre Tierra Producciones taldeek ekoitzitako dokumentala da Guardiana de los Ríos, Jennifer Ávila kazetari eta errealizadoreak zuzendua.[6][7]

Sariak eta Aitortzak[aldatu | aldatu iturburu kodea]

  • 2017an Dona’m Cine-ko Berta Cáceres Saria.[8]

Erreferentziak[aldatu | aldatu iturburu kodea]

  1. ↑ a b (Gaztelaniaz) null. (2016-09-15). «El documental ‘Guardiana de los ríos’ muestra la lucha de Berta Cáceres en defensa del agua en Honduras» The New York Times ISSN 0362-4331. (Noiz kontsultatua: 2023-03-07).
  2. ↑ (Gaztelaniaz) Montevideo, C. C. E.. «Documental «Guardiana de los ríos» de Jennifer Ávila» CCE Montevideo (Noiz kontsultatua: 2023-03-07).
  3. ↑ «Jennifer Ávila, documentalista hondureña: “Estamos viviendo una dictadura disfrazada de democracia” | Revista Pueblos» www.revistapueblos.org.
  4. ↑ EJOLT. «Proyecto Hidroeléctrico La Aurora, Honduras | EJAtlas» Environmental Justice Atlas.
  5. ↑ https://web.archive.org/web/20170721171046/http://hondudiario.com/2016/07/14/denuncian-vinculo-de-gladis-aurora-lopez-con-proyectos-hidroelectricos/
  6. ↑ Audiovisuales | Radio Progreso, ERIC-sj. (13 de septiembre de 2016). Guardiana de los ríos. .
  7. ↑ (Gaztelaniaz) «Guardiana de los ríos» Pikara Magazine 2018-03-04 (Noiz kontsultatua: 2023-03-07).
  8. ↑ (Gaztelaniaz) Reynoso, Lucas. (2023-03-06). «Jennifer Ávila gana el reconocimiento a la excelencia del Premio Gabo 2023» El País América Colombia (Noiz kontsultatua: 2023-03-07).

Kanpo estekak[aldatu | aldatu iturburu kodea]

Guardiana de los ríos (2016)

"https://eu.wikipedia.org/w/index.php?title=Guardiana_de_los_Ríos&oldid=9319663"(e)tik eskuratuta