Gure Aita

Wikipedia(e)tik
Hona jo: nabigazioa, Bilatu
Mendiko hitzaldia

Gure Aita Kristautasuneko otoitz garrantzitsuena da. Mateo eta Lukasen ebanjelioen arabera, Jesusek berak irakatsi zien bere ikasleei, nola otoitz egin behar zuten galdetu ziotenean (Mt 6,9-13; Lk 11,1-4).

Gaur egun zenbait bertsio daude, elizaren arabera, baina hala ere oinarrian Ebanjelioan azaltzen den otoitza errepikatzen dute kristauek. Katolikoentzat kristau doktrinaren laburpen argia da, protestanteentzat kristau otoitzetan eredu, eta ortodoxoentzat otoitzik perfektuena.

Lukasen ebanjelioan honela azaltzen da otoitza:

Aita,
agertu santu zeure izena,
etorrarazi zeure erregetza;
emaguzu egunean eguneko ogia,
eta barkatu gure bekatuak,
guk ere zor diguten guztiei
barkatzen baitiegu,
eta ez utzi gu tentaldian erortzen.

Mateoren ebanjelioan luzetxoagoa da, gaur egun erabiltzen den bertsioaren antzekoagoa:

Gure Aita zerukoa,
agertu santu zeure izena,
etorrarazi zeure erregetza;
betearazi lurrean zeure nahia,
zeruan betetzen den bezala.
Emaguzu gaur egun honetako ogia,
eta barkatu gure erruen zorra,
guk ere geure zordunei
barkatu diegunez gero;
ez utzi gu tentaldian erortzen,
eta gorde gaitzazu gaiztoarengandik.
Gure Aita euskaraz, Pater Noster monasterioa, Jerusalem (bizkaieraz eta grafia gaurkotu gabean)

Eliza katolikoak euskaraz honako bertsio hau onartzen du (euskalkien artean egon daitezkeen aldeak kontutan izanik):

Gure Aita, Zeruetan zaudena,
santu izan bedi zure izena.
Etor bedi zure erreinua.
Egin bedi zure nahia
zeruan bezala lurrean ere.
Emaguzu gaur egun honetako ogia.
Barkatu gure zorrak
geuk ere gure zordunei barkatzen diegun bezala.
Eta ez gu tentaldira eraman
baina atera gaitzazu gaitzetik. AMEN.

Otoitz honen ondoren, zenbaitek, gehienbat elizkizunetan, ondorengo formula hau esaten dute:

Zurea duzu Erregetza,
Zureak ospe eta indarra
orain eta beti.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Gure Aita Aldatu lotura Wikidatan