In Search of a Midnight Kiss
In Search of a Midnight Kiss (euskaraz Gauerdiko Musuaren Bila) 2007ko Alex Holdridge estatubatuar zinema zuzendari eta gidoigilearen amodiozko komedia filma independientea da. 2007ko Tribecako Zinemaldian estreinatu zen.
Argumentua
Wilson (Scoot McNairy) Los Angeles hirira ailegatu berri den depresioak jota eta bere bizitza osoko urterik zorigaiztokoena bizi izan duen 29 urteko gaztea da: bere neskalagunak laga zuen, hirira etortzeko Arizona auto istripua izan eta bidaia erdian gelditu zen, gainera, hirira ailegatu bezain azkar lapur batek bere gidoiak gordetan zeuden ordenagailua ohostu zion. Honela bada, lanik gabe, lurjota, eta Urtezaharra iristear dagoelarik, bakarrik, bikoterik gabe eta gauerdiko musurik emango ez dion inor ez du, horregatik bere pisukide eta adiskidemina den Jacobek (Brian McGuire) Craigslist deritzon webgunean neskaren bat ezagutzeko iragarkia jar dezan konbentzituko du. Handik denbora gutxira Vivian (Sara Simmonds) izeneko Texaseko neska bitxi baten telefono deia jasoko du, Urtezahar gaua gizon "egokiarekin" iragateko erabaki irmoa duen emakumea. Biak elkar topatu eta eguna aurrera doan einean elkar ezagutuz joan eta heuren bizitzako gau berezienetako bat biziko dute.
Aktoreak
- Scoot McNairy: Wilson
- Sara Simmonds: Vivian
- Brian McGuire: Jacob
- Kathleen Luong: Min
- Robert Murphy: Jack
- Twink Caplan: Wilsonen ama