Isokuanta
Mikroekonomiako ekoizlearen teorian, isokuanta ekoizpen-maila jakin bat sortzen duten ekoizpen-faktoreen konbinazioen multzoa da. Adibidez, 1000 torloju langile bat lau makinetan, bi langile bi makinetan edo lau langile makina bakar batean arituz lortu ahal bada, (L=1, M=4), (L=2, M=2) eta (L=4, M=1) puntuek isokuanta bat osatzen dute.
Isokuantek ezaugarri hauek dituzte:
- Ekoizpen-maila ezberdinetarako isokuantek ez dute elkar ebakitzen.
- Isokuantak ganbilak dira eta malda negatiboa dute, ekoizpen aukera efizienteetarako.
- Altuagoak diren isokuantek ekoizpen-maila altuagoa adierazten dute.
