Jane Campion

Jane Campion, Krakoviako Off Plus Camera zinemaldian (2010)

Jane Campion (Wellington, 1954ko apirilaren 30a) Zeelanda Berriko zinema-zuzendaria da. Antropologia- eta arte-ikasketak egin ondoren, zinemagintzari ekin zion, eta Australian egin zituen lehenbiziko film laburrak. Horietako bati, Peel, an exercise in discipline (Peel, diziplina-ariketa) lanari, Cannesko Urrezko Palma eman zioten 1982an. Telebistarako egin zuen lehenbiziko film luzeari, Two Friends (1986, Bi lagun)­ filmari, oso harrera ona egin zion kritikak. Zinemarako lehen film luzea, Sweetie­, 1989an egin zuen. Hurrengo urtean, Veneziako Zinemaldiko Zilarrezko Lehoia irabazi zuen Aingeru bat nire mahaian filmarekin, Janet Frame idazlearen biografian oinarritutako lanarekin. Film ezagunenean ere, ­Pianoa (1992­) filmean, emakumezko bat da protagonista. Beste hainbat sariren artean, Cannesko Zinemaldiko Urrezko Palma eman zioten film horrengatik. Horren ondorengoekin, Dama baten erretratua (1995) eta Nire arma eta haren ikaslea (1996­), ez zuen halako arrakastarik lortu. Aipatzekoa da Jane Campion izan zela 1946tik aurrera Cannesko sari nagusia eskuratu zuen lehenbiziko emakumea.

Filmografia

Zuzendaria

• Tissues (1980)
• Mishaps: Seduction and Conquest (1981)
• Peel: An Excercise in Discipline (1982)
• Passionless Moments (1983)
• A Girl's Own Story (1984)
• After Hours (1984)
• Dancing Daze-telesaileko atala (1985)
• Two Friends (1985)
• Sweetie (1989)
• An Angel at My Table (1990)
• The Piano (1993)
• The Portrait of a Lady (1996)
• Holy Smoke! (1999)
• In the Cut (2003)
• The Water Diary (2006)
• Bright Star (2009)
• Top of the Lake (2013)

Ekoizlea

• Soft Fruit (2000)
• Abduction: The Megumi Yokota Story (2006)

Erreferentziak

Wikimedia Commonsen badira fitxategi gehiago, gai hau dutenak: Jane Campion