Konduktismo

Wikipedia(e)tik
Hona jo: nabigazioa, Bilatu

Konduktismoa edo behaviorismoa gizakiaren ekintza, pentsamendu eta egoera psikologiko oro portaeratzat hartu eta, beraz, behaketaren bitartez soilik azter daitekeela baieztatzen duen psikologiaren korrontea da. Horrela, behaviorismoa kontzientzia edo gogamena, introspekzioa eta antzeko kontzeptuak baztertu eta psikologia zientzia praktikoa izan eta giza-portaera natura zientzia moduan ikertu behar dela sustatzen du, portaera kontrolatuz eta eta aurresan eta emaitza zehatzak bilatuz eta ingurunearen eta banakoaren garunaren arteko prozesu fisikokimikoak behatuz. Behaviorismoaren edo konduktismoaren sortzailea John Broadus Watson psikologoa izan zen XX. mendearen hasieran.

Psikologia konduktista[aldatu | aldatu iturburu kodea]

Psikologia konduktista korronte psikologiko bat da, hiru maila zientifiko hartzen dituena : konduktismoa, portaeraren analisi esperimentala eta portaeraren ingeniaritza. Konduktisten ustez, psikologiak objektiboa izan behar du eta, horren ondorioz, animalien psikologian erabiltzen diren metodoak eta printzipioak aplikatu behar zaizkie gizakiei.Hori dela eta, konduktistek laborategian lan egiten dute. Konduktistek, hasieran, baztertu egin zituen erabat gogamena eta kontzientziarekin zerikusia duten kontzeptu eta azalpen guztiak. Konduktismoa funtzionalismoan ( praktikotasuna), animalien psikologian (laborategiaren garrantzia) eta erreflexologian (erreflexua jokabidearen unitatea da.) oinarritzen da.

Psikologia konduktistarentzat, gure esperientzietatik ikasten dugu eta hauek gure jarrera eta izaera baldintzatzen dute. Era berean, gure jokabidea baldintzatzen dute errefortzuek: errefortzu positiboek eta errefortzu negatiboek. Gure pertsonalitateak ingurugiroan ez ditu aukera askeak sortzen, estimuluen bidez mugitzen baita. Horrela, zerbait ondo egiten dugunean, laudorioak jasoko ditugu eta kontrako kasuetan, zigorra jasoko dugu eta errua sortaraziko digu. Laudorioa eta errua irrazionalak dira eta hori dela eta, ez dago duintasunaren askatasunik, gure ingurugiroaz baldintzatuta gaudelako. Jokatzen dugu arrazoi batzuengatik, inguruan zerbait gertatzen da eta horregatik sentitzen eta pentsatzen dugu modu batean edo bestean.

Historia[aldatu | aldatu iturburu kodea]

John Broadus Watson (1879-19-58) izan zen korronte honen sortzailea. Watsonek garaikidea zen eta honen lana konduktismoa sortu baino lehenagokoa den arren, konduktismoa sortzeko erabakigarria izan zen faktore bat finkatu zuen : animalien psikologia.