Konjugazio

Wikipedia(e)tik
Hona jo: nabigazioa, Bilatu
Bi bakterioen arteko konjugazioa

Konjugazioa bi bakterioen arteko trukaketa genetikoa da, zeinean bakterio emaile batek DNA zati bat ematen dio bakterio hartzaile bati.

Konjugazioa gerta dadin bakterioen arteko ukipen fisikoa eman behar da. Pili izeneko egitura batzuei esker material genetikoa transferitzen da bakterio Gram negatiboetan. Pili horiek luzakin urriak eta luzeak dira, bakterioaren kanpoaldean kokatuta daudenak, konjugazioan zubi modura jarduten dutenak. Bakterio Gram positiboetan ez dago pilik, eta bakterioen arteko kontaktu fisikoa zuzena izaten da.

Bakterio emaileek plasmido bereziak dauzkate, konjugatzeko gaitasuna ematen dutenak. Escherichia colik, adibidez, F plasmidoa dauka, pili sortzeko kode genetikoa duena.

Konjugazioak aldakortasun genetikoa areagotzen du, bakterioen arteko geneen zabalkundea errazten baitu. Konjugazioa espezie berdineko bakterioen artean gertatzen ohi da, edo espezie oso hurbilekoen artean.