Malko guruin

Wikipedia(e)tik
Hona jo: nabigazioa, Bilatu
Malko guruinak
Gray896.png
Eskuineko begiaren malko-aparatua. Malko guruinak goiko eskuinaldean daude.
Tear system.svg
Malko-sistema: malko guruina (a) da
Latinez glandula lacrimalis

Malko guruinek (bat nagusia, malko barrunbean dagoena, begi orbita bakoitzaren gainaldean, kanpoaldeko alboan dagoena, eta beste gehigarri batzuk, konjuntiba epitelioan aurkitzen direnak), funtzio bezala, malkoak isurtzea dute, urez, sodio kloruroz (gatz arrunta) eta albuminaz osatuak daudenak. Isurketaren funtzioa, begiaren azala garbi eta heze mantentzea, kornearen kanpoaldea elikatzea eta betazalen mugimendua errazteko labaingarri bezala aritzea da.

Malko guruina, goiko betazalaren gihar altxatzailearen zurdaren alboko hedapenaren bidez, bi zatitan banatua dago: goiko zati bat edo orbitakoa eta beste bat behekoa edo palpebrala. Gainera, zenbait malko guruin gehigarri daude, goiko betazalean ugariagoak direnak.

Malkoak malko-sudurreko hoditik, sudurzuloetara iristen dira, behealdeko adarretik behera behealdeko sudur meatura, han, lurrundu egiten dira, airea sudurretik igarotzean.

Nerbiotzea[aldatu | aldatu iturburu kodea]

Malko guruinaren sentsibilitatea (mina adibidez) hartzen duen nerbioa, malko nerbioa da, begi nerbioaren adar bat, hau, aldi berean, nerbio trigeminoaren adar bat delarik.

Malko guruina estimulatzen duen nerbioa (ez da aurrekoarekin nahastu behar) malkoak sortzeko, nerbio motore eta begetatibo parasinpatiko bat da. Zuntz parasinpatiko aurregongoildar isurmotoreak, aurpegiko nerbiotik (burezurreko zazpigarren parea) nerbio petroso nagusiaren bidez eta hodi pterigoideoaren bidez, gongoil pterigopalatinora heldu arte bidaiatzen du, toki honetan, neurona gorputzekin sinapsia egiten dutelarik eta gongoilondoko zuntz bezala irtetzen direlarik.

Gaixotasunak[aldatu | aldatu iturburu kodea]

Guruin honek jasan dezakeen gaixotasunetako bat, Mikuliczen sindromea deritzona da.