Microsoft PowerPoint

Wikipedia(e)tik
Hona jo: nabigazioa, Bilatu
Microsoft PowerPoint
Garatzailea
Informazio orokorra
Microsoft Windows, Mac OS X
Aurkezpen digitalak egiteko programa
Software jabeduna
Yes check.svg

Microsoft PowerPoint software bat da diapositiba aurkezpenak egiteko, Microsoft enpresak sortua, eta Microsoft Office bulegotika-suitean doa. Berdin balio du Windows zein MacOS sistemetan lan egiteko. Microsoft enpresaren datuen arabera, ia 30 milioi aurkezpen egiten dira egunero munduan PowerPoint erabilita.

Aurkezpen software horrek hiru elementu erabiltzen ditu batik bat: testua, irudiak eta soinuak. Elementu horiek elkarrekin erabiltzeari deitzen zaio multimedia. Esan daiteke, beraz, PowerPoint multimedia software bat dela.

Programaren oinarrizko elementua diapositiba da, eta bertan sartzen dira testuak, irudi finkoak edo argazkiak, bideoak, edota soinuak. Gure aurkezpenak diapositibez osatuta egongo dira. Irudiak, bideoak eta soinuak ordenagailutik inportatu beharko ditugu; abestiak hala ere, CD irakurletik inportatu ahal izango dira.

Diapositiban elementu bakoitzak bere ordena izango du, eta elementu batetik bestera, denbora tarte bat sartu ahal izango dugu. Denbora tarteak, diapositiben artean sartu ditzakegu baita ere; azken honi trantsizio izena ematen zaio.

Bai trantsizioetan baita diapositiba barnean ere, animaziozko efektuak sartzeko aukera ematen du programa honek, aurkezpenak erakargarriagoak egiteko. Erakargarritasun hori suspertzeko, narraitzaile gisa egindako ahotsaren grabaketa gehitu daiteke, aurkezpena pertsonalizatze aldera.

Ikusteko aukerak[aldatu | aldatu iturburu kodea]

Lana ikusteko hiru era bereizten ditu programa honek:

  • Normala: Lana egiteko erabiltzen den ikuskera.
  • Diapositiba sailkatuak: Aurkezpena bere osotasunean ikusteko balio duen ikuskera.
  • Aurkezpena: Ikuskera honek, aurkezpenaren bertsio erreala ematen du, horrela ikusiko baita bukaeran.

Gordetzeko formatuak[aldatu | aldatu iturburu kodea]

Lana gordetzeko aukera asko ematen ditu PowerPointek. Erabilienak bi dira, ppt luzapenarekin gordetzen direnak eta pps luzapenarekin gordetzen direnak. Lehenak irekitzean, PowerPoint programan irekitzen dira, aldaketak egiten uzten dute, eta aurkezpena ikusten baita ere; bigarrenak berriz, zuzenean aurkezpen gisan irekitzen dira, PowerPoint programan sartu gabe. Azken hauek erabiltzen dira gehien aurkezpenak erakusteko, posta elektronikoz bidaltzeko, adibidez.

Ikus, gainera[aldatu | aldatu iturburu kodea]

Microsoft Office
Access | Entourage | Excel | FrontPage | InfoPath | MapPoint

OneNote | Outlook | PowerPoint | Project | Publisher | Visio | Word