Morrena
Wikipedia(e)tik
Morrena tillezko mendikate edo mantu bat da, glaziare batetik gertu metatutakoa. Hainbat morrena mota dago, glaziarearekin duten harremanaren arabera:
- Hondoko morrena: izotzpean dago, ohantzearekin kontaktuan
- Alboko morrena: derrubioak glaziarearen ohantzearen alboetan kokatzen dira
- Erdiko morrena: Hauek, alboko morrenak, haran berean dauden bi glaziareen elkargunean batzen direnean eratzen dira.
- Aurreko morrena edo amaierakoa: Glaziarea urtzen den tokian dauden derrubio metaketak dira.
- Ablaziozko morrena: Glaziarearen ohantzearen gainean sedimentatuak izan direnak dira. Materiale oso heterogeneoak dituzte, baina, bere ezaugarririk nagusiena, ibilgu osoan zehar sakabanaturiko bloke handien presentzia da. Hauei, noraezeko bloke esaten zaie.
Zuzenean glaziare batek metaturiko sedimentuari ere esaten zaio morrena. Glaziarea altuera handietatik jeisten da, eta bidean aurkitzen dituen materialak arrastan eramaten ditu.
