Nicolas de Condorcet

Marie-Jean-Antoine Nicolas de Caritat (maʁi ʒɑ̃n‿ɑ̃twan nikola də kaʁita kɔ̃dɔʁsɛ ahoskatua; Ribemont, 1743ko irailaren 17a - Bourg-la-Reine, 1794ko martxoaren 28a), Condorceteko markesa, frantses filosofo, matematikari eta politikaria izan zen. Essai sur le calcul intégral (1765) eta Le Problème des trois corps (1767) liburuak idatzi zituen gaztetan eta Frantziako Zientzia Akademian sartu zen 1769. urtean. Ekonomia politikoari buruzko bere artikuluak berridatzi zituen Encyclopédie lanerako. Legebiltzarreko lehendakaria eta Konbentzioko diputatua zelarik, irakaskuntza publikoaren erreformarako proiektu bat aurkeztu zuen (1792). Girondarren taldekoa zela salatu zuten eta hiltzera kondenatu zuten horregatik. Presondegian zegoela idatzi zuen bere lan nagusia: Esquisse d´un tableau des progres de l´esprit humain (Giza izpirituak egindako aurreramenduen zerrenda baterako zirriborroa, 1794). Zigorra bete aurretik bere burua pozoitu zuen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-4-29 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q201477
Multimedia: Nicolas de Condorcet / Q201477