Otto Dix
Wilhelm Heinrich Otto Dix (alemanez ˈvɪlhɛlm ˈhaɪnʁiç ˈɔto ˈdɪks ahoskatua; Untermhaus, Geratik hurbil, 1891ko abenduaren 2a - Singen, Konstantzatik hurbil, 1969ko uztailaren 25a) alemaniar margolaria, marrazkigilea eta grabatzailea izan zen. Alemaniako inpresionisten ondoko belaunaldiko ordezkaririk nagusietakoa izan da. Lehen Mundu Gerran izandako bizikizunak eta Alemaniako gizarte-krisia islatu zituen bere lehen obretan. Nazismoa aginpidera heldu zenean, Gestapok atxilotu eta bere obra guztia suntsitu zuen. 1946. urteaz geroztik, erlijio-arteari eutsi zion. Obra nagusiak: Langilea (1921), Saul eta David (1945) eta Nire gurasoen erretratua (1921).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
 |
Wikimedia Commonsen badira fitxategi gehiago, gai hau dutenak: Otto Dix  |