Pelageia Polubarinova-Kotxina
Pelageya Polubarinova-Kotxina (Errusiar Inperioa, 1899ko maiatzaren 13a - Sobietar Batasuna, 1999ko uztailaren 3a) matematikaria izan zen. Sobietar Batasuneko matematikari eta zientzialari gailenetako bat. Moskuko Unibertsitateko hidromekanika saileko zuzendari izan zen. Errusiako Zientzien Akademiako adar bat Novosibirsken ezartzea lortu zuen. Hidrodinamika aplikatuen saileko zuzendari izan zen Hidrodinamikako Institutuan, eta teoria mekanikoko saileko buru Novosibirskeko Unibertsitatean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.