Potentzia eta egintza

Wikipedia(e)tik
Hona jo: nabigazioa, Bilatu

Potentzia eta egintza Aristotelesek sortutako kontzeptu bikote bat da, entelekia delakoarekin batera. Potentzia oraindik gauzatu gabea baina gauza daitekeena adierazten du. Egintza, berriz, gauzatua da, munduari forma ematen diona. Aristotelesek maiz erabiltzen du estatuaren adibidea kontzeptuak azaltzeko. Potentzia landu gabeko harria da, estatua bilaka daitekeena; egintza, berriz, harria landuz sortzen den estatua. Entelekia guztiz buruturiko egintza da, perfekzio osokoa eta mugatu gabe ezer uzten ez duena. Hori dela eta, entelekia alegiazko ideia eta heldu ezin daitekeen gauza izendatzeko erabiltzen da. Aristotelesen testuetan, entelekia terminoa potentziatik egintzarako prozesua izendatzeko ere erabiltzen da.