San Joan eliza (Gelbentzu)

San Joan eliza
Kokapena
Herrialdea	Euskal Herria
Probintzia	Nafarroa Garaia
Udalerria	Odieta
Koordenatuak	42°57′01″N 1°39′59″W / 42.9503884°N 1.66626563°W

San Joan eliza Odieta ibarreko Gelbentzu kontzejuan XVI. mendeko kristiau eliza bat da.

Eraikina[aldatu | aldatu iturburu kodea]

XVI. mendean harriz egindako bertikaltasun handiko eraikuntza da. Habearte bakarra du, burualdea burualde zuzenekoa, eta oinplano angeluzuzeneko kanpandorrea oinaldeko hormari atxikita dago. Kanpoko kontrahorma sendoek estalki-sistemaren bi zati bereiziak adierazten dituzte: ekialdean, gurutze-ganga izartua du, burualdeari dagozkion giltzarriekin; eta gainerakoa, zurarekin egiten du, profil kurbatuko egitura baten arabera. Ebanjelioaren ondoan kapera txiki bat dago, kanoi-gangaz estalia, eta sakristia burualdeari atxikita dago epistolaren aldetik. Sarrerako atea alde horretan bertan dago, eta erdi-puntuko arkua du, duela gutxi egindako arkupe batekin babestuta. Erretaula nagusian, zalantzarik gabe, Alexandriako Santa Katalina irudikatzen duen erdiko horma-hobian kokatutako tailu errenazentista da interesgarriena, gaur egun desagertuta dagoen tenpluko lehen erretaulakoa izan zitekeena. Egur polikromatuzko irudia da, ederra eta kalitate artistiko handikoa.