Senegal
| 👨👨👦👦 Biztanleak 16.876.720 |
🔎 Azalera 196.722 km² |
🏙️ Hiriburua Dakar |
📷 Argazkiak ikusi |
🗺️ |
Senegal Afrika Mendebaldean dagoen herrialdea da. Hiriburua Dakar da.
Geografia[aldatu | aldatu iturburu kodea]
530 kilometroko kostaldea du Ozeano Atlantikoaren bazterrean.
Iparraldean Senegal ibaia dauka, eta muga egiten du Mauritaniarekin. Ekialdean Faleme ibaia dauka, eta muga egiten du Malirekin. Ibai gehiago ere badaude Senegalen: Saloum, Gambia, Casamance...
Hego-ekialdean Fouta Djalon mendiak daude, nahiz eta Senegal gehiena zelai lauak diren.
Senegalen basamortu lehorreko eta tropiko hezeko klimen ezaugarriak aurki daitezke.
Historia[aldatu | aldatu iturburu kodea]
Islam erlijioa XI. mendean sartu zen Senegal ibaiaren haranera.
XIV. mendean Wolof inperio garrantzitsua sortu zen.
XV. mendean portugaldarrek merkataritza guneak sortu zituzten Senegalgo kostaldean eta irletan.
1638an frantsesek Saint-Louis hiria sortu zuten, esklaboak saldu eta erosteko. Eta Senegal osoa konkistatu zuten.
1960an Senegalek independentzia lortu zuen.
Demografia[aldatu | aldatu iturburu kodea]
2016an 14,7 milioi biztanle zituen. Dakar da hiri nagusia, eta 2,5 milioi biztanle baino gehiago ditu.
Kultura[aldatu | aldatu iturburu kodea]
Etnia nagusiak hauek dira: Wolof, fulani, serer, mandinka, jola eta soninke.
Hizkuntza ofiziala frantsesa da, baina etnia bakoitzak bere hizkuntza erabiltzen du.
Biztanle gehienak (%95 inguru) musulmanak dira.
Ekonomia[aldatu | aldatu iturburu kodea]
Nekazaritza da nagusi. Kakahuetearen landaketak garrantzia handia dauka.
Azken hamarkadetan turismoak ere indar handia hartu du.
Senegaldar ospetsuak[aldatu | aldatu iturburu kodea]
- Ousmane Sembène (1923-2007), idazlea eta zine zuzendaria
- Ismaël Lô (1956), musikaria