Urumea
Maria Kristina zubia, Urumearen gainean, ibaia Donostiatik igarotzean
Kokapena	Gipuzkoa
Luzera	46 km
Arroa	192 km²
Batez besteko emaria	10 m³/s

Urumea ibaia Ezkurra mendatean jaiotzen da (Nafarroa), eta Donostian (Gipuzkoa) itsasoratzen.

Ezaugarriak

Guztira, 45 kilometroko ibilbidea egiten du. Ibilbide horretan, Goizueta, Arano,Hernani, Astigarraga eta Donostia zeharkatzen ditu.
Hainbat errekaren urak jasotzen ditu bere bidean; horien artean, Elama, Añarbe, Zumarrezta eta Urdiñola ibaiadarrenak.
Ibaiaren sakonera ez denez oso handia, ibaiak ur asko eramaten duenean (udazkenean eta neguaren hasieran, bereziki), askotan gainezka egiten du, eta uholdeak sortzen dira ibaiaren inguruko auzoetan.
Goizuetan, Urumea ibaiari Errekaundi deitzen diote.

Argazki galeria

• 
  Urumea Astigarragan
• 
  Urumea ibaia Astigarragan 1940an
• 
  Urumea Goizuetan
• 
  Urumea ibaia Martutene auzoan (Donostia) 1947an
• 
  Uholdeak Loiola auzoan (Donostia) 1936an
• 
  Urumea ibaia Loiola auzoan (Donostia)