Zaleuko

Wikipedia(e)tik
Hona jo: nabigazioa, Bilatu
Zaleukoren irudia, Promptuarii Iconum Insigniorum.

Zaleuko (antzinako grezieraz: Ζάλευκος; K.a. VII. mendea) Lokrin bizi zen legelaria izan zen. Lehenengo lege-kode greziarraren egiletzat jotzen da.

Haren kodea aristokraziaren mesedetarako zen arren, Zaleukori berari alderdien arteko adiskidetzearen alde egindako lana aitortzen zaio. Bere bizitzari buruzko daturik ez dago. Adulterioa begiak aterata zigortzen zenez, esaten da, bere semea zigortu zutenean adulterioarengatik, hari begi bat aterarazi ziola eta zigor osoa bete dadin bere begia atera zuela, legeak esaten baitzuen bi begi atera behar zirela, baina ez zeintzuk. Axularrek bere liburu famatuan istorioaren berri ematen du (Ax 230).