Zilindro

Zilindro bat forma geometriko bat da, laukizuzen baten biraketaz sortzen dena. Hiru aurpegi ditu: bi zirkulu plano kurbo batez batuak, bi aurpegi horiekiko elkartzuta dena.

Neurriak

Bolumena

Zilindroaren bolumena kuboarena edo edozein paralelepipedorena bezala kalkulatzen da: Oinarriaren azalera bider altuera. Kasu honetan oinarriaren azalera zirkulu batena bezalakoa da eta altuera $h \,$:

$B = \pi r^2 \cdot h$

Aldearen azalera

Aldearen azalera kalkulatzeko edozein laukizuzenarena bezala kalkulatzen da (oinarria bider altuera). Kasu berezi honetan oinarria zirkunferentzia baten perimetroarena bezalakoa da eta altuera $h \,$:

$A_{aldea} = 2\pi r \cdot h$

Azalera osoa

A azalera guztia kalkulatzeko honako formula erabiltzen da, hau da, aldearena eta bi oinarriena gehituz:

$A = 2 \cdot A_{oinarria} + A_{aldea} = 2 \cdot \pi r^2 + 2\pi rh = 2\pi r(r + h)$