Plutonen sateliteak

Pluton eta bere hiru satelite, Karonte, Nix eta Hidra.

Pluton planeta nanoaren sisteman sei gorputz ezagutzen dira, planeta nanoa kontuan hartuta. Normalean gorputz hauek Plutonen satelite bezala ezagutzen ditugun arren, berez, Pluton eta Karontek osatutako sistema bitar baten mendeko dira. Karontek ordea, Plutonek baino askoz ere masa txikiagoa du, zehazki, planeta nanoaren %11,65a. Hala ere, satelite hau eguzki-sistemako sateliterik handiena da beraien ama-planetarekin alderatzen baditugu, hau da, beste satelite guztiak mendeko diren planeta baino askoz ere txikiagoak dira.

Plutonen sateliteen orbitak eta bere orbita planetaren sistemarekiko.

Pluton eta Karontez gain, beste lau satelite gehiagok orbitatzen dute Pluton. Hauetatik garrantzitsuenak 2005ean aurkitu ziren Nix (behin-behineko izena: S/2005 P 1) eta Hidra (S/2005 P 2) dira. Beste bi sateliteak beranduago aurkitu ziren, txikiagoak direlako. Beraien izenak Kerberos eta Styx dira.

Plutonen sateliteen datuak

Irudikapen artistiko honek Pluton eta Karonte erakusten dizkigu, Hidratik ikusiak izango balira bezala.

Plutonen satelite naturalak

Izena	Diametroa (km)	Masa (kg)	Orbita (egunak)	Aurkitzailea	Urtea
Karonte	1207 ± 3	(1,52±0,06)×1021	6,387230	J. W. Christy	1978
Nix	46 - 137	5×1016 - 2×1018	24,856	Hubble	2005
Hidra	61 - 167	5×1016 - 2×1018	38,206	Hubble	2005
Kerberos	13-34	?	31	Hubble	2011
Styx	10-25	?	?	Hubble	2012

Sorrera

Hipotesi onartuenak dioenez, Plutonen sateliteak talka handi baten eraginez sortu ziren, Lur planetan Ilargia sortu zuela pentsatzen den talka baten antzekoak. Honek esan nahi du, planetak ez zituela gorputzak Kuiper gerrikotik harrapatu, askotan pentsatu izan denaren kontrara.

Iruditegia

• 
  Pluton eta Karonte eskalan. 2015eko uztailaren 8an New Horizonsek ateratako argazkia.
• 
  Plutonen sistema: Karonte, Hidra, Nix, Kerberos eta Styx. 2012ko uztailean Hubblek ateratako argazkia.
• 
  Plutonen hiru sateliteak, eskalan.
• 
  Plutonen sistemako gorputzen tamaina, gutxi gorabehera.
• 
  Karonte, Plutonen satelitea. New Horizons zundak 2015eko uztailaren 13an atera zion argazkia.

Ikus, gainera

• Pluton eta haren geologia

• Jupiterren sateliteak
• Saturno, Urano eta Neptunoren sateliteak
• Eguzki-sistema

Kanpo estekak

• Plutonen satelite sistemaren animazioa.

• Datuak: Q184246
• Multimedia: Moons of Pluto / Q184246