Akrostiko

Akrostikoa (grezierazko akros, muturra, eta stikhos, lerroa edo bertsoa), olerki bat da, non bertso bakoitzeko hasierako, erdiko edo amaierako hizkiek, bertikalean irakurriak, hitz edo esaldi bat eratzen duten. Hedapenez, akrostiko, hizki horiek osaturiko hitzari ere deitzen zaio. Akrostiko ospetsu bat, Fernando de Rojas Erdi Aro amaierako idazle espainiarraren lanik ezagunena den La Celestinan agertzen da.

Literatura asmakuntza hau, bereziki, forma bihurrienak gehien erabili diren garaietan hedatu da, literatura barrokoan kasu.