Euskaltzaindiak Kale eta karriken izendapena izeneko lana argitaratu du. Interesgarria izan daiteke guretzat.
Wikipedia:Txokoa
Jump to navigation
Jump to search
Eztabaida honi buruz
Ongi etorri euskarazko Wikipediako txokora!
Orri hau Wikipedia honetako mota guztietako hizketaldi eta galderetarako da. Hala ere, orri jakin bati buruz edo beste wikilari batekin eztabaidatzeko, erabil ezazu orri horren edo wikilari horren eztabaida orria; Txokoa hainbat orriri eragiten dioten eztabaida orokorretarako da.
Wikipedian berria bazara, hobe duzu lehenik eta behin maiz egiten diren galderak irakurtzea.
Eztabaida zaharrak:
Wikipedia:Txokoa/Artxiboa
Kaixo! Ameriketako Estatu Batuetan lau administrazio mota ezberdin daude herriei dagokionez:
- City
- Town(ship)
- Village
- Census designated place
Nik honela itzuliko nituzke, baina guztiei kategoria bera emateko laguntza behar dut:
- Hiri
- Herri
- Herrixka
- Erroldak esleitutako leku
Kontua da euskarazko "village" hori "uri" bezala ere itzuli izan dela gurean. Eta "herrixka" batzuk herri edo hiriak baino handiagoak direla. Euren titulu hori dituen eskumenen araberakoa dela ematen du.
Ba oker ez banago village delako horrek bi adiera izan ditzake. Alde batetik hiri antzeko (50.000 biztaletik gorakoak badaude) baina eskumen gutxiago duen gunea eta bestetik aipatzen duzun herrixka moduko hori, etxe gutxiz osatutako eremua, beraz, kasu bakoitzean zein adierari dagokion ikusi beharko litzatekela uste dut.
Kontua da kategoriak osatu behar direla, eta kategoria horiek ez dira ausaz. Hau da, hiriak hiri dira, eta herriak herri.
Gai arantzatsua inondik ere. Hasteko Estatu Batuetan eta Erresuma Batuan "city"k esanahi desberdina dute. Estatu Batuetan, "city" herri bat izan daiteke, solairu gutxi batzuetako etxeak dituen horietako bat (garai bateko "villa" deitzeko genuen bezalako arazoa da). Horrek euskarari ere eragiten dio, hiri deitzea adosten badugu, naturalena herri izango zenean. Adibidez, Virginia City census designated place da egun, baina izenean berean darama city hitza, eta herrixka bat da.
Villagerako herrixka erabiliko nuke (besterik dira, saltokien guneak diren "village"ak), Census designate place erroldagune bururatzen zait, alegia, biztanleria duen gune bat. Town herri utziko nuke.
Herrixka dirudi gatazkatsuena. Beharbada azalpen bat eman behar da Estatu Batuetan horrek duen esanahiari buruz. Edo artikulu bat sortu. Ea beste inori zerbait bururatzen zaion...
Orain gogoratu dut zerbait... Gogoan dudala, villagea herri handiago baten barruan dagoen herrigunea da, "tematikoak" edo, auzo modukoak = urban village (auzategi?)
Ez, mota bat da. Imaginatu hemen hiri, herri eta uri izateak eskumen gehiago emango balitu bezala. Udal horrek dituen departamentuen araberkoa da. Census designated esan nahi du ez dagoela inkorporatua, eta beraz ez duela udal korporaziorik. Ez badu udal korporaziorik, bere eskumenak countyaren esku (konderria) edo parisharen esku (parrokia) edo borougharen esku (borough utzi dut) daude.
Beraz, pentsa Bilbo dela uri bat, Leioa dela elizate bat eta Urduña dela hiri bat, eta bakoitzaren eskumenak ezberdinak direla. Nola eman euskaraz desberdintasun hori?
Ok, ez da urban village orduan. Ezin dugu inoiz baliokide berdinak eduki hizkuntza batetik bestera. Guk adierazi behar dugu hori ahalik eta era argienean. Nire ustez, "uri"k ez du "iri"tik bereizteko nahikoa indarrik, azken batean desberdintasun dialektala da.
Elizate aipatu duzu, kontzeju ere hor dago... Villagerako "herrixka" ez bada, auskalo. Ea beste inork. Borough-ren baliokide zuzena "burgu" da (etimologiaz eta jatorriz).
Bai, baina borough horiek, berez, konderriak dira.
Nire duda da kategorizatzea. Hiri gisa ditugu orain guztiak, eta batzuk bakarrik dira hiri. Zentzu juridiko bat direnez, guk ere eman beharko genieke, kategoria ezberdinetan jarriz city, town eta village.
Gauza bat da sarrerako deskribapena eta beste bat albo batean jartzen den Estatu Batuetako sailkapen juridikoa. Biak bereiz daitezke, eta ordena juridiko horretan duen kategoria adierazi, aparte.
Borough... Kontu da konderriek ere inoiz ez dutela konderik izan, beraz dena da pixka bat formala, alegia, adierazleak ez du adierazia (mamia) islatzen, hizkuntzalaritzan esaten den bezala. AEBko estiloan...
Beno, orduan, laburbilduz: kategorizatzeko proposamenik?
Iruditzen zait saihestezinak direla esanahiari begira egon daitezkeen aldeak, guk buruan dugun "city" (NYC) eta Virginia Cityren artean dauden bezala. Nik hola utziko nuke, salbu eta Erroldak esleitutako lekua niri ez belarrira (eta ez begira) ez didala batere ondo ematen.
Erroldak ez du ezer esleitu, eta errolda ez da agentea. Erroldaz izendatutako lekua esango nuke. Honen gainean, Xabier Armendaritzek ere izango du zer esan.
Ez naiz Estatu Batuetako administrazio barrutietan batere aditua. Hala ere, kontzeptu hori definitzen duen Ingeles Wikipediako artikulua irakurrita, badirudi estatu federal batetik bestera aldatzen direla village horien ezaugarriak: Louisianan, 1000 biztanle baino gutxiagoko udalerriak dira village; Connecticuten, auzoak dira; Marylanden, udalerriak edota zergetarako barrutiak; eta abar, eta abar. Beraz, erabat tokian tokikoak eta aldakorrak direla ikusita, beharbada izen hori itzuli gabe hartzea izango litzateke onena («Kategoria:Estatu Batuetako villageak», esaterako).
City, village eta town kategoriatan... beno, ideia bat da!
Eskerrik asko Xabier. Nik, berriz, herrixka utziko nuke, hitzaren eremu semantikoa AEBrako zabalduta. Batez ere census designated place euskaratzeko jakin nahi nuen zure iritzia, oraingo forma zuzena ez delakoan.
Arratsalde on, saiatu naiz Txokoaren hizkuntza arteko estekak/loturak gehitzen, baina esaten dit Wikidatak baduela esteka hori eginda (eta hala da) eta ez du egiten uzten. Aldiz, ezkerreko zutabean guk ez dugu estekarik
Arraroa. Galdetuko dut hori ere.
Hau da lotura: https://phabricator.wikimedia.org/T225734
Egun on denoi! EAEko izendegi geografikoa atera dute, Wikipedia eta lizentzia askeko beste bitarteko digitaletan erabiltzeko egoki-egokia. Erabil eta zabal!
Kontuan izan hor izen ofizialak ageri direla, ez Euskaltzaindiak onartutako izenak. Guk bigarrenak erabili behar ditugu Wikipedian.Adibidez, "Burgelu" ez, "Burgu" bai; "Abetxuko" ez, "Abetxuku" bai; etab.
Entzun nuenez, biak agertzen dira ondoz ondo. Hala ere, ez dut asko begiratu
Ezin ditut Txokoko azken aldiko gaiak ikusi... Hori da orain sistema hau jarri berri dugulako? Bestalde, faltan ematen dut "Indent" edo elkarrizketen koska sistema. Ez ote dago hori jartzerik dena zutabe batean agertu beharrean?
Non ikusi nahiko zenituzke gai horiek? Albo barran dituzu guztiak.
Hau adibidez ireki dut eta eskuineko alboko barrarik ez da agertzen. Mezu guztiak dauden Txokora atzera joan behar naiz, baina agertzen direnean ere pantaila nagusitik kanpora dauden ezkutatuta, artxibatuta bezala.
Hori eragozpen bat da nire ustez, mezu berriek gaurkotasuna azkar galdu dezaketelako, artean irekita egon arren.
Ez dut ulertzen zer esan nahi duzun "pantaila nagusitik kanpora". Artxiboa lehen bezain agerian dago, klik eginez.
Orain irekita dauden mezuak Wikipedia:Txokoan daude, lehen bezala. Orain bi gai daude irekita. Bat ixten denean, artxibatu daiteke, lehen bezala. Eta txokoko goiko menuan duzu guztia ikusteko eta berrantolatzeko aukera.
Gai/atal honek leiho aparte bat sortu du, ni nire jakinarazpenen menutik etorri naizelako, eta ez du eskuineko zutabe hori.
Ez dakit berri delako den, baina lehengo gaiak Txokoan ez dira ikusten, baina tira, hori lehengo sistemakoak artxibatu direlako izan daiteke. Lehen desplazamendu-barrarekin mugitzea zegoen, orain ez. Une honetan, artxibora joan behar da, eta noski, hori ez da begien bistan/leiho berean gai guztiak irekita edukitzearen berdina.
Nik ere arazo hori daukat, nire jakinarazpenetatik sartzen banaiz edo "Aldaketa berriak" orritik sartzen banaiz: ez da eskuineko zutabea ikusten. "Txokoa" atalera sartzen banaiz, orduan bai, ikusten dut zutabea, baina horrela ez naiz inoiz sartzen.
Bai, aldaketa berrietatik sartzerakoan txokoko "topic" batera sartzen zara (Topic on Wikipedia:Txokoa) eta hor ez da ageri eskuineko kutxa. Halaere "topic" horren hasieran txokorako (Wikipedia:Txokoa) lotura daukazu, "topic" guztiak ikusi eta eskuineko kutxa agertaraziz.
Kaixo Iñaki LL, azken aldiko gaiak edo eztabaidak ikusteko esteka bat dago eskuineko zutabean, "Eztabaida zaharrak" izenekoa, enbaxadari erreferentzia egiten zaion eremuaren gainean.
Egun on Xabi22, bai, orain ikusi dut. Hala ere, Txokoko orri nagusira itzuli behar naiz (gai honetarako orri bat sortu du eta hor ez dago zutabe hori ere), eta gai berrienetara heltzea urrun geratzen da, esan daiteke ahaztuta geratzen direla.
Dena den, beharbada hori da sistema berria orain hasi delako eta aurrekoen garbiketa egin delako.
Egun on, non dago "lehengoratu" aukera?
Ikusi historia duzu goian. Zer nahi duzu lehengoratu?
Lehengoratu? Zuk orain kendu duzuna, spama alegia. Ez, nik ez dut orri honetako historian lehengoratzeko aukerarik. (oraingoa|aur|gaia) agertzen da, baina ez lehengoratzeko aukerarik.
Ez dizut ulertzen. Spama kendu dut mezuaren eskubian dagoen ... botoiari emanez. Goian "Ikusi historia" duzu, hortxe dago atzera joateko aukera ere.
Oso erraza da ulertzeko. Nik ez dut zuk esaten duzun botoi hori, eta historian ez da "desegin" agertzen.
Iruditzen zait, orain Txokoan dagoen sistemarekin, ekarpen berri bakoitza orri berri bat dela: administratzaile garenok edizio hori ezaba dezakegu, baina ezin da edizioa desegin, ez delako orri baten zati bat, baizik eta orri bat da.
Baliteke, bai. Hala ere "Ezkutatu" botoia guztien esku dago.
Eskerrik asko Xabier Armendaritz, hala dirudi itxura guztien arabera, eta espero dut hori konpontzeko modua egotea.
Zer da zehazki kezkatzen zaituena?
Lehengoratu ezin izatea.
Edozein mezu editatu dezakezu orain. Ezin duzuna da ezabatu. Beheko mezuan jarri dudan loturan eskatu dut baimen hori ere izatea autokonfirmatutako guztiek.
Hau aldatzea eskatu dut: https://phabricator.wikimedia.org/T225709
Bai, ezabatu bai, lehen ahal nuen, "artisau" estiloan. Eskerrik asko eskaeragatik, denok Txokoan era berean parte hartu ahal izan dezagun
Gabon, Wikimedia Commonsen Basque conflict kategoria sortu dut, orain arte hain zentzuzkoa dirudien kategoria ez baitzegoen, Commonsen dabilenak nahi badu aurrerantzean erabil dezan! Goraintzi
Artikulua hobetzea ere funtsezkoa da: Euskal Herriko gatazka
Guztiz...
Albiste on bat. Berria egunkariko erreferentzia bat automatikoki jasotzen dugunean orain ez du esaten ingelesez dagoela eta egilearen izena hartzen. lehengo astera arte egilea "Berria.eus"zela hartzen zuen. Adibidez, url-albiste honetatik: https://www.berria.eus/paperekoa/2440/034/001/2017-11-14/irugurutzetako-labeak.htm
Orain: Arrizabalaga, Mikel «Irugurutzetako labeak» Berria . Noiz kontsultatua: 2019-06-08.
Lehen: (Ingelesez) Berria.eus «Irugurutzetako labeak» Berria . Noiz kontsultatua: 2019-04-19
Berdina gertatzen da, "(Ingelesez)", Teknopolis Elhuyarreko erreferentzietan... Ikus hau, hemen txertatuta.
Ez dago gure esku, Elhuyarren esku baizik, definitzea euren webgunea zein hizkuntzatan dagoen. Facebookerako definituta dute, baina ez DublinCore erabilita.
Zoragarri, Ksarasola! Parametroak nahiko modu traketsean agertzen ziren, eta orain ederki geratzen da, zorionak! Ez da gauza bera, baina Berriako bilaketak pobreak izaten dira atzizkiak direla eta (nire ustez, adibidez, "Enrique Maya"k bi sarrera ematen ditu). Ondorioz, askoz tentagarriagoa da bilaketak gaztelaniaz egitea, eta beste iturri batzuk erabiltzea. Uste dut Berriari dagokiola, baina aipatzearren...
Ados. @Iñaki LL, Berriaren bilatzearekin baino erreferentzia gehixeago lortu ditut orain bilatzaile arrunt batean "Enrique Maya berria.eus da du eta" bilatuta.
Bada bai, Ksarasola, ez da askoz gehiago, baina zertxobait gehixeago :/
Albiste ona! Ea dublincore hori hobetzen duten euskal egunkari guztiek!
Kaixo:
Txikipedia:Idoia Etxeberria (argipena) orria errebisatzerakoan, {{argipen}} txantiloia gehitu dut (honek orria [[Kategoria:Wikipediako argipen orriak]] kategorian kokatzen du), eta honez gain [[Kategoria:Txikipedia]] kategoria gehitu diot. Ez dakit kasu honi buruz hitzegin den, ala erabaki beharrekoa den; horrela ondo dagoen, beste era batera behar den, ala agian txikipediako argipenek txantiloi berezi bat beharko luketen. Zer deritzozue @Koldo Biguri:, @Theklan:, eta besteok?
Niri ondo iruditzen zait, adibideko kasuan bai behintzat.
Egia esan, ez dakit argipen orriak behar ote ditugun Txikipedian. Wikipediakoa ez da zaila ere ulertzen eurentzat.
Kaixo! Orain aste batzuk eztabaida ireki nuen txokoan erabiltzaile berriei eskaini ahal zaien hasiera orrialde bereziari buruz. Ez zen egon eztabaida handirik (hemen dago), baina interesgarria da gai honi berrekitea. Erabiltzaile berrien orrialde hauek jartzeko babesa behar da, komunitateak ondo ikusi behar du.
Informazio gehiago duzue hemen. Mesedez, begiratu eta esan ideia gustuko duzuen edo ez.
- Ideia ona da berez. Kontua da aurrera eramatea. Alde batetik, inkesta eta horren arabera sortzen diren orriak sortu (edo itzuli) beharko ziren. Mentoreen kontua ere ideia ona da, baina kontutan hartuta zenbat garen iritsiberriari erantzunak agian ez direla berehalakoak izango abisatuta, gauzak astiro badoaz ez dadin desanimatu.
Berez jartzen dio orain dela zenbat erantzun duen azken aldiz, horrela badaki ere zein izaten den erantzun abiadura. Bestetik, korreoa jartzen badu, postaz ere jasotzen du, Wikipedia gaurkotu behar izanik gabe.
Sortu beharko diren orrien itzulpena egiten ari gara oraintxe!
Nire ustez jarri berri duzuen sistema hau jarraitzea askoz errazagoa da, eta, beraz, ziur asko jende gehiagok ikusi-irakurriko du hemen jartzen dituzuenak.
Ez da honi buruzkoa egindako proposamena. Iritsi berrientzat laguntza emateko sistema bati buruzkoa da. Begiratu eta zu, agian, "iritsi berri" gisa, eman dezakezu zure iritzia.
Ni guztiz ados eta laguntzeko prest. Nik hasieran faltan bota nuen oso oinarrizkoak ziren gauzetan nituen zalantzetarako laguntza.
Niri ondo iruditzen zait erabiltzaile berriek hasiera-orri bat edukitzearena, edota laguntza orrialde bereziak haien eskura jartzearena. Hori bai, mentoreen kontua ez dut batere argi ikusten. Nire ustez, mentoreen kontuak ez du zentzurik Euskarazko Wikipedian, alde batetik, batzuk aipatu duzuen bezala, ez daudelako erabiltzaile nahiko halako proiektu handi eta neketsuak martxan jartzeko eta bestetik, askoz eraginkorragoa iruditzen zaidalako hasiberrientzako laguntza-orrialde espezializatu bat sortzearena. Era horretan, ez genuke hainbeste lanik hartu beharko etortzen den erabiltzaile bakoitzari arreta eskaintzen, nik beti pentsatu izan dut hobe dela denbora hori artikuluak sortzen edo osatzen inbertitzea.
Alabaina, ez dut behin-betiko iritzirik oraindik mentoreen gaiarekiko, zehaztapen gutxi eman direlako haren inguruan. Proposamena zehazteko eskatzen dizuet beraz.
Mentoreak boluntarioak dira. Ausaz ematen zaio bat erabiltzaile bakoitzari, eta galdetu ahal dio zuzenean dituen dudak. Pentsa laguntza orriak oso luzeak eta, batzuetan, desfasatuak egon daitezkeela; edo irakurrita ere ez duela ondo ulertzen nola egiten den zerbait. Mentoreari galdetu ahal dio bere eztabaida orrian eta honek laguntza eman berari. Ez da derrigorrezkoa parte-hartzea, baina boluntario horiek bai hartu behar dutela erantzuteko "konpromisoa" (baina ez berehala, noski).
Nik eskertuko nuke mentore edo laguntzaileren bat (emailez edo txokoaren inguruko baliabide baten bitartez) edota noiz behinka Bilbo edo inguruan wikipedia inguruko zalantzak argitzeko topagune edo antzeko zerbait.
Programa hau egiten dugunerako, jada wikilari aditua izango zara. Edozein gauzarako, kontakta nazazu, mesedez.
Eskerrik asko Galder. Egia esan zalantza zerrendatxo luzea daukat. Emailiez bidaltzeko aukerarik dago? Hala bada, zein helbidera?
Esan bezala, ondo ikusten dut probatzeko. Konpromisoarena ez dut oso argi ikusten, ni bezala beste asko nahiko estu ibili ohi gara eta pertsona bati erantzuteko ez dut beharbada erreparorik izango, baina besterik da galderak metatzen hasten badira (lankide batena edo gehiagorena).
Mentore lanak egitera boluntarioki aurkezten bada lankideren bat, izendapen bereizgarri bat beharko lukeela uste dut, adibidez, bandalismoari kontra egiten dioten lankideek jasotzen duten aitortza horren pareko bat. Era horretan, erabiltzaile berriek eta beste edozeinek erraz identifikatuko lukete.
Laguntza:Mentoreak orrialdean dituzu orain arte aurkeztutako boluntarioak. Bestetik, sistemak berak lotuko lituzke berriak eta mentoreak, ez dute "txapa" bat izango bilatzerakoan. Nahi badute, jar dezakete euren profilean zerbait, edo sor daiteke kategoria bat.
Urtearen hasieran hasi genuen eztabaida bat da, baina ez ginen ados jartzeko gai izan edo behintzat, ez genuen erabakirik hartu. Zerrenda bat egin nuen bere garaian eta zenbait lankidek beren ekarpena egin zuten. Gaia berriz ere mahai gainean jarri nahiko nuke, 2019ko martxoan erabaki bat hartzekotan gelditu ginelako eta jada maiatzean gaudelako.
Hemen duzue eztabaida zaharra eta zerrenda.
Zuen erantzunen zain
Nik uste nuen bideratuta zegoela! Noizean behin, artikulu bat azalera eraman behar dudanean, kategoriara noa eta ikusten badut zerbait ez dela ez nabarmen ez on, kentzen diot. Baina zuk egindako proposamen guztiekin aurrera, mesedez!
(Probando, probando) Eskerrik asko gogoraztearren Xabi22! Arrazoia. Hala ere, Theklanek bezala, zu bideratzen ari zinelakoan. Nik jada irizpen bat duten artikuluei buruz erabaki bat hartuko nuke. Garbitzen joan, eta bakarrik irizpenik ez dutenak utzi. Saiatuko naiz ni ere beste begiratu bat ematen / garbitzen.
Ados @Theklan eta @Iñaki LL, erabakitako artikuluei NA izendapena kentzen hasiko naiz. Bestalde, zerrendan badira zenbait artikulu izendapena kentzeko lankideen onespena jaso ez dutena eta horiei begirada bat botatzea eskertuko nizueke.
Mila esker
Kaixo. Ikusi dut Xabi22 langilea hasi dela artikulu batzuk birkalifikatzen. berak proposatu zuen zerrendaren arabera. Nik eskertuko nuke artikulu bati norbaitek kentzen baldin badio lehen zeukan kalifikazioa, artikulu horren Eztabaidan horren arrazoiak jartzeko. Bestela oso iritzi subjektiboa eta arbitrarioa izan daiteke. Esaterako, nik ez dakit zergatik Immunitate-sistema eta estresa artikuluak galdu du Artikulu Nabarmenduaren kalifikazioa, bere garaian bozketaren bidez eman zitzaiona. Nire ustez, artikulu horrek Artikulua Nabarmendua izateko baldintza guztiak betetzen ditu (luzera, idazkera egokia, neutraltasuna, wikituta, egiaztagarritasuna eta gainera orijinaltasuna ere, beste wikipedietan ez dagoen artikulu guztiz orijinala delako). Ezin da besterik gabe kalifikazioa kendu eta kitto. Eztabaida orrian argudiatu behar dira hori egiteko motiboak, eta aukera eman horretaz eztabaidatzeko norbait erabaki horrekin bat ez baldin badator.
Txokoan erabaki zenean, honela zegoen artikulua. Labur eta 11 erreferentzia baino ez. Ez zen ere, nire ustez, nabarmentzeko modukoa. Orain badela esango nuke, gutxienez artikulu on. Beraz erabakia berriro har daiteke edo atzera bota, ikusten den bezala.
Ados, aldaketak egin dira artikuluan, baina horregatik hain zuzen ere kalifikazioa kendu aurretik hori aztertu behar da.....Eta edozein kasutan artikuluaren Eztabaidan argudiatu zeintzuk diren artikuluaren gabeziak, baldin badaude.
