Grafton Street

Dublingo Grafton Street kalea

Grafton Street Irlandako Errepublikaren hiriburua den Dublin hiriko erdigunean kokatzen da. Hiriko bizi eta herrikoienetakoa, irlandarren artean oso ezaguna da, batez ere bertan dauden denda kopuru handiarengatik.

Historia

Inguru honen jabea zen Henry FitzRoy, Graftoneko I Dukearen izena darama. O'Connell zubia eraiki zenean arrakasta handia hartu zuen eta denda ugari ezarri ziren bertan. 1980an peatonala bihurtu zen kalearen zatirik handiena eta ordutik musikariak, poetak eta mimo antzezleak egoten dira bazterretan.

Aipatzekoak

Bereziki aipagarria da 1927an ireki zen Bewley's Oriental Café kafetegia. 2004ean itxiko zela esaterakoan kanpaina handia hasi zuten dublindarrek, Catherine Byrne alkatesa buru zela hau gerta ez zedin eta berriz irekitzea lortu zuten azkenean.

Bestalde, Dublin osoko estatuarik famatuena ere kalearen hasieran dago, Molly Maloneren estatua hain zuzen ere.

Kanpo loturak

Wikimedia Commonsen badira fitxategi gehiago, gai hau dutenak: Grafton Street

• Grafton Streeteko eraikinak, Archiseek webgunea.