Marge Simpson

Homer Simpsonen emaztea da. Bere seme-alabak Bart Simpson, Lisa Simpson eta Maggie Simpson dira, eta oso deigarria da eramaten duen ile urdina, oso luzea delako. 35-40 urte ingurukoa dela suposatzen da, Homer(e)n adin berdintsukoa. Betidanik Springfielden bizi izan da

Familia eta lagunak

Marge beti izan da familiarekin asko arduratu izan den emakumea, eta asko nabari da maite dituela bere ingurukoak. Homer Simpson senarrak arazo ugari ematen dizkion arren, beti lagundu egin ohi dio eta babesa eman ere bai, eta bere hiru seme-alabez ere askotan arduratu izan dela ikusten da.

Lagun aldetik ordea, berak beti esan izan du bakartia izan dela, hau da, ez duela lagun konkreturik izan. Hala ere, harreman onak eduki izan ditu Maude Flanders, Helen Lobejoy eta Luann Van Houtenekin adibidez, nahiz eta askotan haserretu. Springfielden nahiko estimatua ikusten da Marge, batez ere mutilengandik (Krusty pailazoa, Sr. Bruns, Disko Stu eta Moe Syzlak adibidez).

Familia aldetik Margeren gurasoak Clancy Bouvier eta Jaqueline Bouvier dira. Bi ahizpa zarragoak ditu: Patty eta Selma Bouvier non ezkongabeak diren, jenio txarrekoak eta beti erretzen azaltzen direnak. Homerrekin ezkontzen denean, Bart Simpson, Lisa Simpson eta Maggie Simpson edukitzen ditu.

Izaera fisikoa eta sikologikoa

Izaera fisiko aldetik Marge argala da, lepoko laranja bat erabiltzen du, eta beti soineko berdea. Baina bere gauzarik deigarriena, bere ile urdin luzea da, non tente-tente edukitzen duena, eta horrek arazo ugari eman dizkio Margeri, baina baita onura batzuk ere. Gizon asko erakarri izan ditu Margek, oso edertzat jo izan dutelako.

Izaera sikologiko aldetik bihotz oneko emakume bezala ikusten da Marge, beti laguntzeko prest dagoena, baina askotan gora-behera batzuk edukitzen ditu, adibidez, beldurra dio hegazkinean ibiltzeari, eta atal batean ikusi zenez, bolada batez beldurra eduki zuen kalera irteteko, gaizkile batek lapurreta egin ziolako.

Kanpo loturak

Artikulu hau zirriborroa da. Wikipedia lagun dezakezu edukia osatuz.